النظره الشرعية ساعدوني

بسم الله الرحمن الرحيم
السلام عليكم ورحمة الله وبركاته
لوسمحتوا الغاليات ممكن مساعده

انا البنت الوحيده لابوي تقدم لخطبتي واحد و يبي يشوفني لأول مرة يعني ( النظرة الشرعية – الشوفه الشرعية )ســــــــــــــــؤالي اللي مر فهالتجربة الاماراتيات فقط سامحوني بس بحكم العادات والتقاليد !

شنو تنصحوني البس هل احط مكياج أو لا وشعري شو اسوي فيه ؟

هل اروم البس فستان خفيف او تنوره وقميص أو مغربي او مخوره او جلابية ولا المفروض عباية وشيلتها ؟

لان الدين رخص للفتاة أن تلبس ماتيسر أمام الخاطب للتمسك بها وبالنسبه للحدود التي يجوز أن يراها الرجل في مخطوبته ، فقد اختلف في ذلك أهل العلم ، فمنهم من قال : تكشف وجهها ويديها ورأسها ومكان قلادتها ، وقال البعض الآخر يكفي الوجه والكفان ، والقول الراجح في تلك المسألة أنه يجوز لها أن تكشف له ما تكشفه على محارمها وهو :
1)- رؤية الوجه والشعر
2)- رؤية مكان قلادتها
3)- رؤية يديها حتى الدبلج ( أعلى المرفق بقليل )
4)- قدميها ، والله تعالى أعلم

هذا الشرع والدين لكن المعروف ان لكل دولة عاداتها وتقاليدها هني فالامارات شو المفروض اني البس ؟ فيدوني مالي غيركم
عادي احط ميك اب ؟ عادي افك شعري ولا ضروري الشيله ؟ شو اقول ولا اتم ساكته ؟ شو اسوي ادخل الميلس واقدم عصير ولا قهوة ولا ادخل فاضية اسلم وايلس دقيقتين ؟

اللي تعرف تفيدني ولاتبخل علي .. فرصه ترجعون لذكرياتكم الحلوه وتفيدون المقبلات على الزواج وفي ميزان حسنااتكم ان شاء الله
بانتظار ردودكم الحلوه خواتي ضروري واللي ماتعرف ترفع الموضوع بليييييز

والسموحة

ماعتقد الكلام اللي تقولينه صحيح ، صحيح خاطب لكن بعده يعتبر " غريب " ماتجوزين له
ف اعتقد الشي اللي ينفع تظهرينه امامه هو ويهج وكفينج فقط
يعني شعرج لا ، بالنسبه لنا نلبس عبايه وشيله وميك اب خفيف واييد بس
لكن ماشوف فيها شي لو لبستي مغربي او حتى فستان ناعم طويل باكمام طويله وشيله مناسقه
مانصحج تتكلمين الا لو حد كلمج يعني تردين بس .. وبخصوص تدخلين فاضيه او بيدج شي حسب
اذا ف شي اوريدي بالميلس ادخلي فاضيه ، اذا ماف شي دخلي وياج عصير ولا اي شي ^^
وموفقه عزيزتي

مشكوره فطامي قلبوو

مشكووووووره ياقلبي يزاج الله خير

عباه و شيله مفتوحه او مغربية و شيله الله يوفقج يارب

عباه وشيله ولاتحطين مكياج خلج على طبيعتج افضل ولاتظهرين لا شعرج و لاجسمج الريال بعده غريب عني انا النظره كانت بوجود اخواني ٢ وامي وابو زوجي و زوجي. وكنت بعيد عنه ولا اكلمت وراسي فالارض بس رديت السلام فقط و كنت لابسه عباه مسكره وشيله متحجبه بدون مااظهر شعري و المكياج ماحطيت شي