بدخل فالموضوع دايركت
انا بنت عمري 24 مب متزوجه
ومشكلتي هي ابوي الله يهديه ..
نحن في عايلتنا الزواج عندهم كله من الأهل
وابوي نفس الشي .. ><
قبل كل ماحد يتقدم لي من برع العايله ..
مايوافق .. وحتى مايفاتحني فالموضوع بس يرفضهم
وشو عذره!!" مانعرفهم"..
وكله يقول انا اهم شي عندي الاصل والفصل
وانه يكون ولد ناس والنعم فيهم ومعروفين ومن هالكلام ….
المشكله هي .. انه من اسبوع تقدم لي واحد مب من عايلتنا من برع
بس الكل يشهد بإنه انسان خلوق ومتدين ومافيه اي عيب ..!!!
والكل يشهد بأخلاق هالعايله وما حد شاف منهم زله او شي ..
وانا وايد مرتاحه له ..بس المصيبه ان ابوي مب موافق ><"
يقول مانعرفهم .. وانا مابناسبهم ..فذمتكم هذا عذر الحين؟!
والله حيييل مضايجه من هالموضوع والعمر ترى يمضي
ومافي شي يضمن لي انه غيره بيتقدم لي
الكل يدري انه ابوي مايوافق على اي حد .. والله ظلم!!
شو تنصحوني …. ابوي مخبر الناس انه بيرد عليهم …
اعرف شو بيقول لهم .. ماشي نصيب
..
افيدوني .. ممكن انه يغير رايه فهالفتره
وحتى الي ماعندها حل .. بس تدعيلي دعوه بالغيب
ربي يسر لي امري ويوفقني ويرزقني بولد الحلال …
موفقه ياارب
اذا امج موجوده رمسيهااا اووو اذا تقدرين ترمسين ابوج رمسيه
ولا خلي حد من اخوانج او حد قريب يرمسه ويفهمه
وشي ثاني استخيري وصلي قيام الليل وادعي ان شاء الله لووو خيره لج بتاخذينه ان شاء الله ونصيحية لازم توضحي لهم امور يعني يكون بينككم حوار وتفهمينهم وجه نظرج
الله يرزقج بزوج وذرية صالحه يارب والله يحقق مناج يارب ويسهل ويسر كل امورج يارب
رمسي امج او حد من خواتج الكبار يرمسونه او اخوانج