.gif "12 (77)")
أحبتي وايد استفسارات تييني كرسائل خاصة وبالذات عن المواد المستخدمة عندي فأجاوب على معظمهما لكم ساعات يحتاج الأمر لصور لتوضيح المعلومة وعلشان الأخت الي تتوكل على الله وتروح تشتريها يكون عندها خلفية عن شكل المنتج . حاولت أنقي بعض الأشياء المهم جدا جدا والمطلوبة والي تكون الأسئلة عليها وايد بإسم الله نبدا
ألوان الطعام
عزيزاتي ألوان الطعام مثل ما نعرف لها أكثر عن شكل منها السائل ومنها البودرة ومنها البست أو المعجون . النوع الي ما استغني عنه هو المعجون لانه يعطي قوة غير طبيعية في اللون وتركيز عالي جدا جدا فتكفي كمية صغيرة جدا إنها تعطيج التأثير الي تبينه . عزيزاتي هذي الألوان اشتريتها من أمريكا الله يطول بعمرها ربيعتي مريم ويردها بالسلام ويا الشهادة الكبيرة هي الي تطرشلي اياهن وبعدين نتفاهم على الفلوس . تيج علبة فيها 8 ألوان من ماركة ولتن هذا الماركة وايد حلوة وراقية بس المشكلة 
انها مش متواجدة في الامارات .gif "12 (49)")
وصراحة حاولت أدور هني في الإمارات على الأنواع المركزة نهائي ما لقيت
هذا شكل العلبة من برع
وهني شكلها من فوق وتحتوي على 8 علب
وهني شكلها من على جنب
وهني شكلها من الطرف وهاي الألوان الي تحتوي عليها
وهذا شكل الالوان من داخل
النوع الثاني هو النوع المحلي والمنتشر وتلاقنية في كل مكان سبينس والكارفور وفي كل الجمعيات وهو الفوستر كلاك وهذا شكله وتلاقين منه الأحمر والأخضر والأصفر والأزرق وسعره حوالي درهمين .
وهذا شكل الكورن سيرب والي نستخدمة في الفندان طبعا راسي دار وتميت أدوره في كل مكان وبعدين لقيت وحدة من برع المنتدى تبيعه لكن طبعا بسعر شوي أعلي . لين ما لقينة متوفر في كل فروع سبينس وسعرة حوال 15 أو 16 درهم .
الجولكوز وهو نوع من أنواع العسل المستخدم في الحلويات وتلاقون منة في الامارات ماركة وحدة وهي Dr.Oetker وتلاقونة في سبينس وسعره حوالي 19 أو أكثر ما أذكر وهذا شكله
لكن على فكرة أسمحولي في هاي الكلمة أحس سوالف التزين في الامارات وايد غالية بالنسبة للكمية لاني يوم سافرت مصر انصدمت من الجلوكوز شوفوا حجمه
.
.
.
.
.
.
.
.
.
.
.
.
.
.
.
..
.
.
.
.
.
.
وسعره أقل عن 10 دراهم
يتبع أحبتي
الخميرة عزيزاتي متوفر عندنا في الامارات نوعين نوع اسمة DCL وهو نوع رديئ نوعما ويطلع ريحة الخميرة بسرعة في المعجنات وفي نوع ثاني هو الأحسن والأفضل واسمة PAKAMAYA حلو وريحتها ما تطلع بسرعة وسعرها 8.50 درهم .
وهني صورة مقربة توضيحية لشكل الخميرة
ورق الزبدة وأفضل نوع (فالكون) وهي شركة اماراتية محلية تنتج ورق النايلون والقصدير وبتلاقونة متوفر في الجمعيات وفيه في كارفور وسبينس بس نوعيات أجنبية مش فالكون وهذا هو شكله. وسعره حوالي 12.50 درهم
وهني توضيح الماركة
وهني توضيح شكل ورق الزبدة الي داخل
وهني كريمة التارتار وتستخدم في خفق بياض البيض وجله متماسكاً تمهيدا لعمل الكيكة الاسنفجية وبتحصلونها في سبينس وسعرها حوالي 13.95
وأخيرا وليس أخرا أقماع التزين الكبيرة والتي تعطيج نتجية حلوة في التزين بالكريمة واشتريتهم من تايلند في الصيف الي طاف.
ولي عودة أحبتي مع المزيد من المواد المعتمدة في مطبخي
مع محبتي
شوكلاتة
كعادتج مواضيع مميزة ومفيدة صراحه
بس ياريت تخبرينا بعد عن أحسن طحين غير الكويتي لانه ماأحصله في العين
متااابعه بشغف
موضوع حلو
كفيتي ووفيتي