سويت لكن صالونه بطعم البهار التندوري كل إلي طعمها من الأهل قالي طرشي الطريقة عاد إنا ما صدقت وقلت انزلها للبنات عسى إن شاء الله تعجبكن
المقادير……
6 طماطات
بصلة كبيرة
حبة فلفل رومي
ملعقة صغيرة زنجبيل
كزبرة وبقدونس
ثوم حسب الرغبة
فلفل حار حسب الرغبة
مكعب ماجي
ملعقة أكل صلصة طماطم
علبة روب
4 ملاعق بودرة جوز الهند
ملعقة أكل حبوب الخردل
ملح +فلفل اسود +كركم
ملعقة أكل ونصف بهار تندوري إذا حصلتي الكرتونة الخضراء احلي في الطعم
لون اصفر المخصص للأكل حسب الرغبة
كريمة طهي أن وجدت مش لازم
الطريقة……..
أولا نحمس البصل ثم الثوم والزنجبيل ثم نضع الطماطم وملعقة الصلصة والفلفل الرومي ثم الكزبرة والبقدونس
ثانيا نضرب الخلطة في الخلاط لين تصير ناعمة ثم نحمس حبوب الخردل في شوي زيت وعندما تطلع الريحة ويبدأ بالفرقعة نسكب الخلطة علية ونحط باقي المقادير البهار التندوري الملح والفلفل الأسود والكركم والصبغة والماجي والروب وجوزالهند وعند القرف نحط الكريمة و لحين أنروح للصور
هذي الخلطة يوم استوت قبل الضرب في الخلاط الخدامة سوتها قبلي مالحقت اصورها من قبل خطوة خطوة و اسمحلي اتشفن التاوه محروقة ترا مش في بيتي انا مسافره ومستاجره شقة ومافيها صحون وسامان المطبخ ناقصة الشقة نضيفة كثير لاكن اغراض المطبخ خرا
وهذي صورة الخلطة في الخلاط
وهذي حبوب الخردل علي النار
وهذي صورة جوز الهند والبهار ما حصلت الاخضريبت الاصفروصورة الروب والماجي
يوم حطينا الخلطة علي النار
وهذي الصالونة جاهزة
[url=https://uaewomen.net/upload//uploads/images/uaewomen-4a24566976.jpg]
[/url
ولحين الصالونة في الصحن تتريا حد ياكلها
عاد علي كيفج تبين اثقلينها ولا تخلينها خفيفة شوي انا احبها ثجيلة
وبالعافية عليكم