هلا وغلا باحلى الخوات
هذا الخنفروش اللذيذ مع الهيل والزعفران
والطريقه مضبوطه ومن اول مره تضبطونها إن شاء الله
هذا الخنفروش اللذيذ مع الهيل والزعفران
والطريقه مضبوطه ومن اول مره تضبطونها إن شاء الله
المقادير :
1 كاس طحين رقم 1
6 بيضات
1 كاس سكر
1 كاس طحين عيش (( ارز ))
نص كاس زيت
1 ملعقه كبيره هيل مطحون
فنجان ماء ورد مضاف اليه زعفران (( الزعفران على كيفج انا احبه وااايد ))
شويه فانيلا
1 ملعقه صغيره بيكنج بودر
الطريقه :
نضع البيض ويضرب بالخلاط وعقب نضيف السكر والفانيلا حتى يغلظ القوام شويه
ثم يوضع (( طحين العيش وطحين رقم 1 )) والزيت والبيكنج بودر
وبعدها يضرب بالخلاط لمدة خمس دقايق في الاخير نحط الهيل والماي الورد والزعفران ويضرب مره ثانيه شويه
ويترك بعد الخلاط لمدة نص ساعه
ثم ندهن الماكينه بالزيت ونصب مقدار من الخليط ويترك حتى يستوى
هني وعافيه ,,,
تسلمييييييين يالتوته يالحلووه
مشكووورة حبوبه
شكرا عالطريقة
الصراحة انا ابا اسويه من زمان
شكلة لذيذ بجربة انشااللة
حبيبتي واذا ماعندي المكينة كيف اسوي
وكيف شكل المكينة
وكيف شكل المكينة
تسلمين غناتي