تميس بالسمن روعه للريوق بالصور و سهل جدا

السلام عليكم ورحمة الله وبركاته .

يسعد ايامكم يا غوالي .

شخباركم ان شاء الله مبسوطين .

وصفتنا اليوم تميس بسكوت وهو للاخت المبدعه AREAM,, يتميز انه هش

ومقرمش بس مو مره يعني يذوب في الفم ، وينفع للريوق تاكلين مع العسل و حبنه كرافت و تشربين الكرك الي يعدل المزاج
وايد حبيت " التميس " و انصحكم تجربونا و انا ما صدقت من تعلمته اسوي كل كم يوم هههه

المقادير :~

2 كوب دقيق

3/4 كوب ماء
3 ملاعق كبيرة سمن
ملعقه صغيرة خميره فوريه
نص ملعقه بيكنج صودا
ملعقه صغيره ملح .

الطريقه :~

نخلط الدقيق مع الملح والخميره والبيكنج صودا مع بعض
نضيف ملعقة سمن ونفركها بالدقيق حتى تختفي

نصب الماء ونبدأ نعجن
بعد ما تتجمع العجينه على بعض نبدأ نضيف الباقي من السمن على دفعات كل مره ملعقه صغيره

ونعجن لين تختفي ثم نحط ملعقه صغيره ونعجن لين ينتهي السمن

حتى نحصل على عجينه ناعمه

نقسم العجينه الى كورتين او اربع
تلف العجينه بنايلون وتترك في الثلاجه مدة 12 ساعه ومو اقل من 6 ساعات يعني ممكن اذا بتسوينها على العشاء تعجنينها الصباح واذا حابه تكون على الفطور اعجينيها من الليل .

طلعي العجينه قبل تخبزي بنص ساعه ثم ولعي الفرن من تحت وفوق حتى يسخن زين وحطي صاج في الفرن عشان يسخن ,,وابدي افردي الكوره الاولى وخرميها بالشوكه على حسب ذوقك اذا تبغيها متينه او رقيقه .

تصوير موبايل هههههه

ادهني وجه التميس بالحليب السائل ورشي السمسم وشيلي القرص وحطيه على الصاج الساخن ودخليه الفرن
وراقبيه ما ياخذ وقت ويتحمر بسرعه وراح تلاحظي ريحة التميس تجنن وتفوح بالبيت خليجية

شوا رايكم ؟؟؟؟؟؟؟؟؟؟؟؟؟؟؟؟؟

و بالهنا و الشفاء و الي بتنقل الموضوع تذكر المصدر بليز

نزلت موضوع في قسم الاطباق الساخنه و هنا الرابط اضغط هنا

تسلم ايدج
مبدعه

رائع شهي تسلم الأيادي

تسلم اتدج

تسلمييييييييييين

تسلم ايدينج ع الاكله

صراحة تشهي وخاصة الاكله الثانيه ..

اترك تعليقاً

تميس بالسمن روعه للريوق بالصور و سهل جدا

اترك تعليقاً إلغاء الرد