بنتي والضعف

السلام عليكم
عندي بنت عمرها ثلاث ونص ووايد ضعيفه ماطيع تاكل شي عادي عندها طول اليوم ما تاكل اتيها ايام تيلس تاكل طول اليوم ومرات ما تاكل عيزت معاها مادري شو اسوي مع انها يوم كانت اصغر كان وزنها زين وتاكل عادي بس اللحين من سنه وهي على هالحال حتى الثياب مب حلوات عليها من الضعف فالي اتعرف حل ارجو انها اتفيدني واذا عندكم شي يمتن ويكون طبيعي ومشكورات

الله يحفظها ان شاء الله بس اختي هاى مشكلة بنتي نفس الشئ وعمرها 5 سنوات اضعف من الضعيفه بس شو اسوي الاكل عندها بمزاج وما لها حل الله يعين اقول يمكن يوم تكبر شويه تاكل موكله امرها لله والله كريم السموحه ما قدرت افيدج

انا بنتي نفس الشي عمرها ثلاث سنين يمكن كم من لقمة في اليوم بس موكلة امريلله والطفل يوم ايوع بياكل لاتحاتين

هلاأختي انا سمعت في الحلبه واايد زينه تحطين حلبه في ماي ايكون دافي وعقب اتخليه في الثلاجه وتعطينها كل يوم على الريق قبل لاتاكل شي قدرفنجان أصغير لمدة شهر تقريبا لان الحلبه اتشهي للاكل والحلبه لها فواايد عديده لعلاج الكثير من الامراض واتمنى اكون ساعدج

بنتي سيم سيم عمرها 8 سنوات

بالتوفيق ان شاء الله

انا ولدي نفس الحاله عمره حاليه 7 سنوات
ما قادره عليه ياكل يوم اييوع عالحلاوه الخرابيط
تدرن رحت لدكتور وعطاه فاتح للشهيه والصراحه فنان لمده شهرين ومتتن وربرب
بس من بطلت الدواء رد اخس من اول