حبيباتي أختي في شهرها واليوم سارت المستشفى و قالولها لازم باجر يولدونها لان الماي الي حوالين الطفل قليل جدا
بس امي رافضه انها تسير لانها خايفه يأذون أختي و تقول الله يوم يكتب بتربين لا تسمعين كلام الدكاتره
بس امي رافضه انها تسير لانها خايفه يأذون أختي و تقول الله يوم يكتب بتربين لا تسمعين كلام الدكاتره
حبيبتي اذا مريتي في هالتجربه عطيني رايج
أختي ضروري تروح , ثنتين بنات عمتي استوا بهم نفس الشي و ولدوهم قيصري , مع احترامي للوالدة و انا مقدرة خوفها على بنتها بس لاااااااااااازم تروح ويولدونها والا بتكون هي و الجنين في خطر
في حفظ الرحمن
في حفظ الرحمن
أنا كنت جيه و قالولي الماي قليل حواليه البيبي و لازم تربين عطوني طلق صناعي و ربيت الحمد الله خليها تسير مب زين لها و لا آلبيبي
الله يسهل عليها يارب الافضل انها تروح
انزين يعني الولاده تكون طبيعيه ولا قيصريه؟
وحدة معاي بنفس دوامي
قالت لها الدكتورة لازم نعطيك طلق واذا ما ربيتي قيصري
وكانت مترددة كل دكتورة تعطيها راي
اخر شي قررت تم لين يسهل عليها الله
ربت بالولد ميت
انا ما قولك عشان اخوفك بالعكس تلحق عمرها وتتاكد عند دكتورة شاطرة
الله يسهل عليها ويحفظها هي وجنينها
الله يعينها خلها تستخير