تجربتي الناجحه في التخلص من وزني مع النظام السحري

وارجع افتحه , وكل ماتستوي مناسبه ماحصلت شي يناسب مقاسي هذا غير الجسم اللي مب مرتب

بطن ارداف زنود صدر تعقدت بينت اكبر عن عمري بس الحمدلله اتبعت نظام انا حطيته لنفسي ونزل وزني..

بنات لازم تصبرون ويكون عندكم هدف وعزم مب تسوون الرجيم اسبوع ولا 10 ايام واتقولون مافي

فايده ولا مانزل وزني ليش اتعب روحي ع الفاضي واحرم نفسي لا ياحبايبي انتم لو تعرفون كيف جسمكم

بيقاوم هالنظام عسب ماينزل بس غصب عنه بينزل وبعد ماينزل ابشركم مابيرد مره ثانيه إلا إذا تميتي

تاكلين وجبه حق خمس اشخاص ادري طولت عليكم وخاطركم تعرفون شو هالنظام بس قبل اخبركم

لازم تعرفون الاشياء اللي لازم تسوونها وتلتزمون فيها قبل هالنظاااام …..

لازم تبتعدون عن اي ش فيه سكر وتستخدمون بديل السكر

يعني تبتعدون عن الحلويات بكافه اشكالها حتى اللي مكتوب عليها بدون سكر والسبب أن فيها كربوهيدرات ..

ولازم تبتعدون عن الرز والخبز والمعكرونا وشوربة الشوفان بشكل نهائي …

وتبتعدون عن اي شي فيه زيوت بشكل نهائي حتى زيت الزيتون …

المشي لمدة ساعه ع الاقل مرتين او 3 بالاسبوع وهذا الشي اساسي ومالكم عذر ابد

اكثري من شرب الماء في اليوم ولازم تستخدمين شاي رجيم (رويال) 3 مرات ف الاسبوع

الحين بكلمكم عن النظام :

الريوق :
بيضتين مسلوقات +عصير جريب فروت
أو
توست اسمر مع شريحه جبن قليله الدسم +عصير برتقال (العين) بدون سكر
أو
كورن فليكس مع حليب قليل الدسم …انا استخدم هذا النوع

الغداء :
سمك محفوظ بالماء +سلطة
او
سمك طازج+سلطة
او
نصف دجاجه بدون جلد مشوي +سلطة

العشاء :
ممكن نفس الغداء وممكن نفس الريوق

انا عن نفسي مرات اكل كورن فليكس ويا الحليب قليل الدسم
ومرات اكل شريحتين توست اسمر مع شريحه جبن قليله الدسم واحط معاها خياره وعصير

كنت اكل حسب مزاجي بس من الجدول اللي فوق وما اضغط ع نفسي مول …

بس والله نزل وزني بشكل فضيع انا بروحي استغربت والحمدلله رب العالمين والحين انصح فيه اي وحده

جربوه ومابتندمون والله وادعولي حبايبي ..