بخصوص الدهون والرجيم لاتبخلوا علي بالاجابة

السلام عليكن

خواتي عندي اسئلة واتمنى الاقي جواب كافي ووافي لاني واثقة من خلفيتكن الكبيرة حول الرجيم
انا بصراحة ماعندي خلفية بسوالف الرجيم وهذه اول مرة في حياتي اسوي رجيم ورياضة
وعندي اكثر عن سؤال اتمنى تجاوبون علي ويزاها الله خير اللي بتساعدني

سؤالي الحين لو وحده متينة ووزنها 100 تقريبا وسوت رجيم ونقصت 50 كيلو
بغيت اعرف 50 كيلو اللي نقصتها وين ساروا ؟
اكيد بيكونوا عبارة عن دهون بغيت اعرف كيف نعرف ان الدهون تروح عنا يعني هل
تروح من خلال العرق او الخروج او شي ثاني ^^

سؤال ثاني : الحين انا لمن اشوف وزني في الميزان اشوفه ناقص واسير اكل او اشوفه اخر الليل بنفس اليوم
اشوفه زايد كيلو او كيلو ونص
معقولة لمن اشرب ماي او اكل وجبه خفيفة يزيد الوزن كيلو ( ميزاني حساس ) ..

هذا اللي اتذكره وسمحولي لو ثقلت عليكن بكثرت اسالتي ويزاكن الله خير

طبيعي من تاكلي او تشربي يزيد لاحظت هالشيء مرات كيلو ومرات كم جرام بس وين يسير الوزن بصراحه ما اعرف كيف فكرتي بهالسؤال

موفقة الغلا

ههه فديتج طيف الغربة ويزاج الله خير ع الرد

ماعليج وين يروح بس شدي حيلج

وامشي عجهاز فالبيت اريح شي وفاي وقت تحبين

وشربي مراميه كل يوم

السوال الاول : الوزن لي راح عبارة عن دهون تبين تعرفي دهون خفت من جسمج واوانج حرقتيها من المقاسات لي تتعير كل ما يكون مقاسج تغير كل اسبوعين عرفي نتيجه وحده دهون تنحرق
والدهون تنحرق وتخلي وظائف الجسم تشتغل بافضل صوره

لسوال الثاني الوزن يوم واحد ومحدد في الاسبوع والافضل الصبح غلى الريق لنو الجسم يختلف اثناء النها ر من ماء واكل وايام الدوره الوزن بيزيد نصيحة لا توزني غير يوم الميزان

مثل ما قالت ام محمد بالضبط
موفقه اختي