تجربتي في تنزيل الوزن بعد الولادة

طبعا انا سويت مليون الف سيرج
و لقيت ردود مشجعه

و كنت خلاص غاسلة ايدي اني اضعف بروحي
لازم استخدم شي يساعدني

بعد متابعتي لاوبرا و كيف ضعفت
قلت لازم استخدم نفس المنتجع اللي استخدمته
آلا و هو acai Berry

و في نفس الوقت كنت قاريه عن موضوع " الديتوكس "
و هو طريقة للتخلص من السموم في الجسم قبل الرجيم

طلبت
acai berry diet 500 mg حبوب الاساي
Acai Berry Cleanse منظف القولون

بعد ما تخلصين من منظف القولون
تبدين في حبوب الاساي بيري
في ناس ياخذونه ويا بعض بس هاي هي طريقتي الخاصة ما احب اخلط الادوية
تاخذين حبتين يوميا مع اي وجبة وانا افضل وجبة الغداء

الحبوب تساعد ع تسريع و تنظيم حركة الايض لحرق الدهون
ما لها اي تأثير بالمخ او الجهاز العصبي ابدا
ولا يسبب لا ارق ولا شي
و ع فكرة هاي الحبوب تعتبر كمكمل عذابي يعني نفس الفيتامينات مب للرجيم بس

و نضيف للحبوب
1- شرب كميات كبيرة من الماي
2- الرياضة ( ربع ساعه فقط يوميا او نص ساعه 3 مرات في الاسبوع
انا امارس رياضة المشي و الجري ربع ساعه يوميا ف حوي البيت )
3- لازم اكلج ما يتعدى 2024 سعرة حرارية عسب تحصلين النتيجة يعني اتوقع رقم معقول جدا و تاكلين ع راحتج بس بليز خربطي في الاكل بالمعقول بس بكمية صغيرة و ابدي اكلج بسلطة

حاليا وزني كان 72 و صار 66 كيلوو

هاي تجربتي باختصار
و اتمنى تستفيدون و تدعون لي اضعف و اوصل لوزني السابق قبل الحمل
ألا و هو 55 هههههههههههه رقم بعيد جدا لكن عندي اصرار و عزيمة

و بطل عليكم بين فترة و الثانية و بخبركم شو الجديد
اللي عندها استفسار سؤال
اي شي من عيوني

بس اصبروا علي لاني مشغولة وايييد