نداء لكل متزوجه جربت الحقن المجهري او اطفال الانابيب

بنات اللي جربت الحقن المجهري ياليت ترد علي او ترد عالخاص

المفروض هالاسبوع يردون الاجنه بس لانه عندي الهرمون مرتفع فباثر علي وما راح يصير حمل فقالت لي الدكتوره انتظري هللاسبوع بتنزل لج دوره
والدوره اللي بعدها تعالي يعني ثاني دوره
الحين كيف راح تنزل لي الدوره مرتين بنفس الشهر والا انتظر……
للعلم اخر دوره بتاريخ 14/9
المفروض تنزل لي تاريخ 13/10
الحين كيف يعني راح تتلخبط والا كيف انا ما فاهمه شي والدكتوره مشغوله مقدر اسألها
ياليت تفيدوني بنات واللي عندها خلفيه لا تبخل علي

لا تخافين فديتج أكيد الدكتورة أدرى فعتبريها خيره هالتأخير لأن الهرمونات لازم تكون مضبوطه والله يوفقج ولا يخسرج تعبج

والله اني ما عارفه شي اول مره لي بالحقن المجهري

توكلي على الله النفسية لها دور مهم بعد واشربي ماي وايد من الحين وبزيادة عقب ترجيع الاجنة ربي لاتذرني فردا وانت خير الوارثين

هلا الغاليه أنا سويتها مرتين بس الترجيع سوته لي الدكتوره في نفس الوقت عقب السحب بكم يوم لانه علي حسب علمي ان ارتفاع الهرمونات مالها اي تأثير في هالعمليه أنا كان عندي هرمون الحليب مرتفع في المره الثانيه بس صار حمل وبخصوص الدوره اللي اعرفه انها تنزل عقب أسبوعين من عمليه السحب اذا ما صار حمل الله يرزقج حبيبتي بالذريه الصالحه عن جريب

والله مدري اهي قالت لي ان الهرمون مرتفع واذا ردت لي الاجنه ماراح يصير حمل
بس اللي مستغربه منه ليش انتظر دورتين ؟؟؟؟؟
كلي امل هالشهر وخاب ظني بس بعدني متوكله ع ربي وان شاء الله خير