حبوب الدوفاستون

السلام عليكم خواتي شحالكن؟
اممم الدكتورة عطتني هالحبوب
اخذهم لمدة 15 يوم وانا اليوم كملت 10 ايام
واخر دوره لي كانت 20 / 4
حبيت اسال متى اقدر احلل
ومتى بعد هالحوب تنزل الدوره؟

15 مشاهده ومحد يعرف

على الاقل ارفعوا موضوعي بدعوه حلوه منكن

الله يرزقج يارب ويفرحج دنيا واخرة

اميين تسلمين حبيبتي على الدعوه الطيبه

السلام عليكم ورحمة الله وبركاته
وصايف ليش يوم تسيرين الدكتورة ماتكتبين هالاسئله
يعني تتوقعين هذربانا دقيق
انا بكتب الي عن تجاربي
والله يرزقج بذرية صالحة معافاة
ترى اول مرة اقرى الموضوع انا موب من الي شاهدوا وظهروا
اساسا احس القسم راقد هالشهرين مادري شسالفه
يمكن هاجروا العرب لتويتر ولا انستغرام
عموما
الحبوب هذي وظيفته تثخين جدار الرحم
ليسهل انغراس البويضة الملقحة فيه
اذا تم التلقيح تنغرس البويضة اقصد الجنين هناك
اذا لاقدر الله ماتم الاتغراس او التلقيح لاي سبب
فانا مريت بتجربتين
مرة نزل نقط وانا استخدم هالحبوب على اخر الايام وعقب نزلت الدورة
والمستشفى قالو وقفي
ومرات وايد وقفت هالحبوب وتميت اربع ايام تقريبا
ونزلت الدورة
وهالدورة شديدة شوي لانها عبارة عن جدار الرحم الثخين الي تكون من حبوب الدفيستون
اتمنى اكون افتدج
وبالتوفيق

الله يرزقج اختي

صح يبالج 4 ايام بالضبط من توقفينا وتنزل الدورة اذا مافي حمل