جبت لكم موضوعين .. عن الخطوط البيضاء …
في نظري أشوفهم يستاهلون النقل …
الموضوعين منفصلين لعلاج الخطوط البيضاء …
أتمنى لكم الإستفادة …
:aq1
زيت ثمرة الشي؟؟الخطوط البيضاء باي في اسبوع
السلاااااااااااام عليكم
شخباركم يابناااااااات
الخطوووووووووط البيضا
او الستريتش ماركس
اليوم الدكتور خالد الطيب في قناة سمارتس تكلم عنها وقااال كلام خطير
يقول في زيت اسمه زيت ثمرة الشي
هذا الزيت يجيبونه من افريقيا
تدلكين فيه اسبوع وخلاص ترووووح العلامات
بس انا سويت له بحث ولا لقيت عنه شي
بنات لو سمحتو اللي تعرف عنه شي
وين ؟
بكم؟
شكله ؟[/frame]
:aq1
علاج الشقوق الصيني للخطوط البيضاء ( علامات التمدد)
علاج الشقوق الصيني للخطوط البيضاء ( علامات التمدد)
لاحظت ان اغلب البنات في المنتدى يعانون من الخطوط البيضاء ………………….. ويدورون على علاج لها …………….. مع ان رأي الطب دائما ، لا يوجد علاج ولكن ممكن تخفيف الأثار بنسبة 70 بالميه …………… ويكون العلاج بالغالب قائم على عمليات التقشير العميقه بالليزر ……………. ومن ثلاث سنوات تقريبا طرحت سيده صينيه تعاني من آثار عميقه لشقوق بعد الحمل ………….علاج طبيعي يعتمد على تقنيه مشابه للتقشير بالليزر وهو التقشير وتحفيز الدوره الدمويه …………… طبعا وماكان العلاج مجاني ، ولكن تقدرين تاخذين وصفتها بقيمه معينه ( على ماأذكر كانت 50 دولار امريكي ويمكن أكثر وتعطيك الوصفه الكامله بالنت ) وقامت وحده من الاخوات الله يجزاها خير وينولها اللي ببالها واشترت الطريقه ، وترجمتها وعرضتها لبنات عالم حواء مجانا ……….. وكان موضوعها كامل ويحتوي على صور قبل وبعد العلاج وطريقة العلاج ، وبالفعل كانت السيده اللي تعاني من المشكله خطوطها عميقه وعرض الشق كان 1سم تقريبا وعلى طول بطنها ، طبعا وبعد العلاج صارت الخطوط حمراء ثم اختفت ، وقتها احتفظت بالموضوع بملف ( قلت يمكن اتزوج واحبل وتطلعلي خطوط ) وماهتميت هل فيه احد جرب الوصفه أو لأ ….. ولما شفت اسئلة البنات تتكرر في نفس الموضوع قلت حنزل هالوصفه ( بس للاسف انا ماخزنت الصور وقتها ودورت في النت وطلعت ببعض الصور للمنتجات المطلوبه )، مع وصفه ثانيه مجربه وجابت نتايج مع كثير بنات وهي ( لسان البحر مع خل التفاح ) .
الادوات المطلوبه:
1ـ اداة المساج:
حجمها بحجم اليد، وهي مصنوعه اما من الخشب او البلاستيك.والقاعده مصنوعه من مطاط لازم تستخدمين نفس هذه الاداة عشان تحصلين على النتيجه، ممكن تلاقينها في الصيدليات او محلات المساج وغيره. ممكن تلقينها بذا بدي شوب أو بدي كير.
2ـ السكروب : سكروب الخوخ الخاص بالجسم
3ـ زيت زيتون او زيت Safflower oil
4ـ مستخلص الصبار :
وهذا يساعد في نمو انسجه جديده، تقدرين تحصلين عليه من نبة صبار عمرها سنتين او اكثر واذا ما عندك النتبة حاولي تحصلين على جل الصبار ويكون اصلي.وتقدرين تعرفين الاصلي بشكله( الاصلي يكون له لون بني خفيييف وريحته زي نبات الصبار.ابتعدي عن الجل اللي يكون مضاف له عطور ومحسنات ويكون لونه ابيض)
5ـ لوشن الكولاجين والاستين .
المقادير:
3 او 4 ملاعق صغيره من السكروب
نقطتين من زيت الزيتون
نصف ملعقه صغيره من مستخلص الصبار( اذا كنتي بتستخرجين الجل من نبات صباراغسليه ونظفيه اولا بعدين اقطعي طرفه بالسكين واعصريه يطلع لك الجل ولازم تكون النبته عمرها سنتين او اكثر) اخلطي المقادير في وعاء وخليه على جنب راح نستخدمه في الخطوه الثانيه
الطريقه:
اخلطي المقادير في وعاء(وهي كافيه لمساحة 2 قدم مربع) واذا احتجتي زياده سوي نفس المقادير مره ثانيه.( الافضل تصلحين المقادير كل يوم بيومها يعني لاتحفظينها في قاروره )
واذا عندك تشققات في مناطق عديدة من الجسم ركزي على مكان معين واشتغلي علي، وبعدين انتقلي للمكان الثاني عشان تحصلين على نتايج افضل .
الخطوه الاولى:
تطرية الجلد:
خذي دش واغسلي جسمك كله لمدة 5 او 10 دقائق لتطرية الجلد ، عشان نقدر نزيل الطبقه الميته مو بس تبللين المكان لازم تستحمين
الخطوه الثانيه(المساج) :
يفضل تسوين الطريقه قبل النوم ، عشان لما تزيلين الطبقه الميته يكون الجلد مستعد لبناء انسجه وانتي نايمه
نشفي جسمك بعد الحمام ، بس خليه شويه رطبلا تنشفينه 100% بعدين ضعي قليل من الخلطه اللي سويتيها في الوعاء(طبعا تسوينها قبل الدش)، ضعيها في الاماكن اللي فيها تشققات وجيبي اداة المساج وابدي سوي مساج
والطريقه كاالتالي:
كانك تصبغين الجلد وليس العضله (انتبهي) عشان نزيل الجلد الميت ولا تضغطين على العضلات(ركزي على الجلد) وحركي الاداه باتجاه عقارب الساعه على شكل دوائر قطرها 1-2 انش، وحاولي تركزين على كل جزء وعلى شكل دوائر، وابدي ببطء وبخفه، حتى يتعود الجلد ، وعلى شوي شوي زيدي السرعه والقوه (على فكره الخلطه اذا نشفت في الوعاء حطي عليها شوبة مويه)
بالنسبه للجلد السميك:
دلكي المنطقها الواحده(مساحة 5 او 6 انش) لمدة 3 دقائق او اكثر (حسب احتمال جلدك) ولا تتعدي 5 دقائق للمنطقه الواحده
الجلد الرقيق:
يكون غالبا فاتح جدا) دلكي المنطقه لمدة 2 دقيقه او حسب احتمال جلدك ولا تتعدي 3 دقائق
– لاحظي تغير الجلد للون احمر، وهذا يدل على دوران الدم في المنطقهويدل انك ماشيه صح>
– بعد تحول الجلد للون احمر، استمري شوي بالتدليك، حتى تحسي بجلد يقرص شوي بعدين وقفي
– استخدمي فوطه مبلله لمسح المنطقه ثم ضعي كميه اخرى من الخلطه على الجلد لمدة دقيقه واحده(لا تدلكين بس خليها دقيقه)
– بعد كذا اغسلي جلدك.
ملاحظه:
لا تحاولين عمل التدليك زياده عن المطلوب(اذا حسيتي بجلدك يجرح معناها انك زودتيها بالتدليك)
اذا جلدك مره حساس وحسيتي بحساسيه وقفي العمل
الخطوه الثالثه:
نشفي المكان ، وضعي الكريم المكون من اللوشن( كولاجين) والصبار بكميه متساويه(كانك تحطين كريم عادي) والجلد مازال احمر، ودلكي باصابعك حتى يمتصه الجلد تماما
ملاحظات:
لا تعتقدين انك كل ما كثرتي من عملها بتساعدين جلدك، هالكلام غلط، لازم تعطين جلدك فتره يرتاح.
وفيه جدول يبين لك كم مره بالاسبوع تسويين الطريقه:
اليوم الأول : صنفره +كريم(الكريم اقصد فيه اللي بخطوه 3)
اليوم الثاني : كريم فقط
اليوم الثالث : كريم فقط
اليوم الرابع : صنفره+كريم
اليوم الخامس : كريم فقط
اليوم السادس : كريم فقط
اليوم السابع : صنفره +كريم
اليوم الثامن : كريم فقط
اليوم التاسع : كريم فقط
يعني يوم ايه ويومين لا ، وتستمرين كذ اسبوعين او 3
بعدين تغيرين الجدول
يصير يوم ايه و3 ايام لا
والان ملخص الطريقه كالاتي:
1 ـ خلط المقادير المشروحه اعلاه في وعاء
2 ـ الاستحمام لمده لا تقل عن 5 دقائق
3ـ تنشيف الجسم ولكن لا تنشفينه 100% خليه رطب شوي
4 ـ خذي بيدك من الخلطه وحطي على المكان المطلوب وبعدين امسكي اداة المساج ودلكي حسب نوعية جلدك(اذا سميك 5 دقائق واذا رقيق 3 دقائق )
5 ـ استمري حتى يصبح لون جلدك احمر دلالة على تنشيط الدوره الدمويه…توقفي عند الشعور بقرص في الجلد.
6 ـ امسحي المكان بفوطه مبلله
7 ـ خذي كميه اخرى من الخلطه وضعيها لمدة دقيقه واحده
8 ـ اغسلي المكان بالماء
9 ـ ضعي الكريم المكون من (الكولاجين والصبار) ودلكي باصابعك حتى يمتصه الجلد.
10 ـ نامي
:aq1
منقوووووووووووووووووول
وللرفع
ولحد الحين ما شفت شي يعالج التشققات كثر زيت الاركان وجنين القمح وزبدة الشييا الخام
