اصنعي صابون الارز بالعسل بنفسك

اليوم سويت خلطه صابونه بالعسل رهيبه تنور ويهج والجسم وتخليج لمبه
انا شفت الطريقه في التيفي وطبقت الوصفه و جربتها وشفت النتيجه بنفسي من اول استخدام حسيت بفرق وقلت لازم افيد خواتي بهاي الخلطه
• مكونات الخلطه
نبشر صابونة عسل موجوده في الجمعيات سداسيه الشكل
فنجان ماي صغير
ملعقة كبيرة أرز مصري مطحون
ملعقة كبيرة عسل
ملعقة صغيرة زيت لوز
ملعقة صغيرة زيت ورد موجود عند العطار
• الطريقه العمل

نبشر الصابونه ونذوبها في الماي على النار لين تشوفينها ساحت وخلطيها عدل مدل لين تحسينها تجانست وبعده ضيفي عليه الارز المطحون وبعده ملعقه كبيره عسل وملعقه لوز وملعقه زيت ورد ولو حسيتي انه الصابون جامد ضيفي عليه ماي لين تحسينه انه لا جامد ولاسائل وايد بعدين خلطي المكونات كلها مع بعض وخليه يبرد شوي بتحسين انه الصابون جمد شوي الحينه اخذي منه وكوري الصابون بحجم انه يكفيج حق سبحه وحد في اليوم انتي شوفي اي حجم يناسبج وحطيه في علبه او زجاج، وحطيها في الثلاجة لمدة يوم، وبعد نطلّعها، ونحطها في الحمام، ونستخدمه مع الحمام اليومي.

مشكوووووورة

شكرا حبوبه

ابااا اذوب الصوابين الي عندي بس ماعرف كيييف عادي احطله ماااي

شوفي حبيبتي اول شي بشري الصابونه الي تبينها اوكيه بعدها حطيله ماي ورد ودنيه ساعه وعقب حطيه على النار وضفي ماي عادي شوي وحطيه الصابونه المودنه بماي الورد وبجذيه بذوب بسهوله

يزاج الله خير