انا الحمد لله خريحه دبلوم عالي من تقنيه دبي والحمد لله بكمل باكلريوس على بدايه شهر 9 والله يوفقني ويوفق كل ربيعاتي وانتو بعد و الجميع يارب
اسمحولي بكون واااايد صريحه .. سؤال: ليش اغلبيه بنات الدبلوم اييون الكليه حق اللعب والتسليه فقط!! ملاحظه هالشي ودووووم بنات الدبلوم العالي يذكرون هالنقطه!! تي البنيه بس عشان تراوي عمرها وتروح!!! و24 ساعه تلقينهم في الكوفي!!! مستحييييييل ما تحصلينهم من فراغهم الزايد!! ولا تيج وحده جنها ممثله قبل في فلم مين إن بلاك! لابسه نظاره شمسيه والشعر جنه شعر اولاد والعباه خلقتها يااااابسه جنها كندوره شباب! ومن غير شيله ! وجوتي رياضه! انا احيد الحرمه تستانس يوم تراوي انوثتها مب العكس! وطبعا هذا غير باجي البنات اللي يلبسولج نظاره داخل الكوفي ولا داخل الكفتريا! قلنا تحت الشمس معقوله لكن داخل!!؟؟! انتي تعرفين كم وحده تحط عليج يوم تشوفج جيه! ولاااااااا… كله ولا موضه الأسد!! متعلمات الحين كل وحده تنفش راسها من جدام وتنفخ القصه عالآآآآآخر تقولين أسد ! ساعات ماتشوفين شي منها من بعيد غير الاسد مالها هذا اللي حاطتنه فوق! ويوم ايونج شله بكبرها كلهن جيه روسهن تحسيبهن جيه مجموعه أسود يايينج من بعيد! والله العظيم انه نحن ما نبا نرمس بس يوم يمرن غصبا عنا نقول! والبنات اللي جيه اغلبيتهن معروفاااااات انهن بنات دبلوم فخلاص الفكره رااااسخه في مخنا اذا وحده مثل هالبنات مرت على طول بينا وبين بعض نقول اكيد CD! وفوق هذا دراستهم 1+1 = 2!! وانا شفت اشيا بعييييني!! ولا اييبولج صورة بنيه تحتها فراغ… تكتبين she او he!!! للاسف مستوى جددددددا متدني من التعليم وهاي الاشيا خذناها يوم كنا يهال!! يعني ليش ما يهتمون بعمارهم ويشدون حيلهم شويه وعالاقل يدرسولهم دبلوم عالي احسنلهم … والشي الغريب انه البنت بعد اذا ياها السؤال بتفولج 1+1 = 5!! لاااا والقهر!! آخر موضه: سمعنا وحده تقول انه بنات الدبلوم العالي دراستهم مب شي ! او بمعنى انه يعني بنات الدبلوم دراستهم اعمق!! هالكلام منو يصدقه خبروني!! قلت حق ربيعتي اسكتي … هي شي طبيعي بتقول جيه لانها ما شمت ريحه الاشيا اللي درسناها وراسنا كيف انفجر في البروجكتات! الله يرحم ايام كنا شوي وبنصيح فيها من الظغط! قلتلها لو هاي البنت يت درست ويانا اسبوع واحد بتهجّ ! بتقول ما بكمل! بالذات في مجال الآي تي المتعممممممممممممق جدا جدا جدا! مرات نحس راسنا هو الكمبيوتر وهو الشبكة!
معقوله يا بنات!؟؟!؟! انا ما اتكبر على حد لكن للاسف هالفئه تخلي الوحده غصبا عنها دمها يغلي!!
شو رايكم انتو!! فعلا مشكله كبيره وفي انتشار متزايد ومالها حل!
:
~ السلام عليكم ورحمة الله وبركاته ‘‘
:
~ اسمحيلي اختي ،، تراج وايد مبالغه .gif "12 (68)")
..!!
عنبوه موب لهالدرجه ،، بالعكس انا دارسه دبلوم فتقنية دبي
صح الظروف ماسمحتلي وكملت سنه وظهرت بس كانت الدراسه وايد وااايد مستواها اوكي ..!!!!
ومش بالدرجه اللي انتي وصفتنها ،،
ما اعرف ليش وايد تحبون تضخمون الامور .gif "12 (53)")
المهم الله يوفقج اختي في دراستج.gif "12 (63)")
:~
:
|
المشاركة الأصلية كتبت بواسطة Ms.Cherry 
:
~ السلام عليكم ورحمة الله وبركاته ‘‘
:
~ اسمحيلي اختي ،، تراج وايد مبالغه ..!!
عنبوه موب لهالدرجه ،، بالعكس انا دارسه دبلوم فتقنية دبي
صح الظروف ماسمحتلي وكملت سنه وظهرت بس كانت الدراسه وايد وااايد مستواها اوكي ..!!!!
ومش بالدرجه اللي انتي وصفتنها ،،
ما اعرف ليش وايد تحبون تضخمون الامور
المهم الله يوفقج اختي في دراستج :~
:
|
اختي والللللللللله العظيم اني ما ابالغ!! يمكن انتي لانج ما كملتي!
انا قبل ما اسوق كنت اسير الكليه بالباص!ّ وكانت تيني وحده تعطيني اوراقها تقول حليلي الواجب لاني ماعرف!! ويوم اشوف ورقتها ..بكبرررررررها صور !! صور بنت و ولد وفيل والخ! وتحتها فراغات يا تحطين فيها she او he او it!!
ربي فوق شاهد على كلامي اذا انا اجذب او ابالغ!
والله الجامعة بعد فيها من هالاشكال واااايد
وعااادي .. طاف ! الله يهديهم
المشاركة الأصلية كتبت بواسطة المشاعر والله الجامعة بعد فيها من هالاشكال واااايد
وعااادي .. طاف ! الله يهديهم
صدقتي والله !
في بنات يهملون ويلعبون صح بس بعد في منهن قدرة استيعابهم بطيئه والله ما عطاهم هالشي والله يهدي البنات اللي اتكلمتي عنهن
المشاركة الأصلية كتبت بواسطة dxb baby في بنات يهملون ويلعبون صح بس بعد في منهن قدرة استيعابهم بطيئه والله ما عطاهم هالشي والله يهدي البنات اللي اتكلمتي عنهن
حبوبه ادري عشان جيه انا ما عممت و كتبت انه الاغلبيه جيه