شفت ها الموقف جدامي ودمعت عيني

كنت سايرة سوق زايد …
كنت داخله محل قطع .. دخلة وحدة من جنسية عربية متحجبة و محتشمة ..
ومعاها بنتين صغار .. ماسكين بجلبابها .. أعطيهم 4 سنوات و 3 سنوات

كان مبين على الحرمة انها ما تبا تشتري .. بس ما اعرف شو سالفتها بالضبط ..

طلعت جان تطلع جدامي .. شوي تمشي ..

زوجها شافها .. كان ياي من الممر .. و صارخ بصوت عالي ..

وين كنت ؟؟ هااااااااااا وين كنت ؟؟؟

هي سكتت ما ردت عليه ..

يرها حيل من ايدها و هوس على يدها .. جدام الناس و يقولها وين كنت .؟؟

قالت كنت في المحل اهني .. قلت بشوف شئ و بييك .. وهي مسكينة تتكلم شوي شوي و هو يصارخ

قالها .. خليتني في المحل و قلت بتسحبي فلوس و اتأخرت عشان انا ادفع .. لكن ارجعي الحين و ادفعي .. قالت جبت الفولس و بدفع ..

جان يدزها من راسها و يوقلها يالله امشي .. حيوانه

ويدزها مرة ثانية من راسها و اطيح ع الأرض .. و بناتها ماسكين فيها و يصيحون .. والله قطعو قلبي .. وهو يسبها يقولها بهيمة .. حيوانه …

والله حرام .. والله حرام ..

دينا هب جي .. انا ما اعرف شو سالفتها .. لكن الإسلام عظم المرأة .. و خل لها معاملة خاصة .. و تقدير و احترام .. شو ما كانت مسوية .. ما يعاملها جي جدام الناس ..

وين وصية الرسول – صلى الله عليه و سلم – رفقا بالقوارير ..

الله يهدي جميع المسلمين بس ..

شو رايكم انتو في الموضوع ؟؟

يعله الحرق هالريال

حسبي الله وننعم الوكيل عليه وعلى امثاله

حراااااااااااااااااااام هذا يخليها تصرف عليه ومبين من معاملته انه وايد جبار على مرته

مسكينة والله يساعدها

الله يهديه
اويصلح بينهم

صدق انه ما يستحي ، هاي حرمته ام عياله ها جذه يفشلها جدام الناس ، ومحد حيوان غيره الهرم

حسبي الله ونعم الوكيل عليه وعلى امثاله

الله يهديه
اويصلح بينهم