وزني والحمل و ريلي .ساعدوني

خواتي انا عندي مشكلة و ابا نصيحتكم..
انا دبدووووبه و اسوي ريجيم لاني بكل بساطة ابا اضعف 20كيلو
وريلي زان عليه زنه يباني احمل و انا اقوله لازم اضعف اول شي عسب احمل و انا علاقل اضعف من جي..
لاني انا خواتي زدت في حملي الاول 30كيلو..ادري واااايد بس شو اسوي انا من النوع الي الحمل واااايد يمتنها..و خواتي ريلي له حق لاني ولدي الحين كمل كبير يمشي في اربع سنوات..قولولي شو اسوي اقوله عطني فرصة شهرين بس عسب اضعف حتى لو 10 كيلو من طااااايع موووووول والله موووول كيف اقنعه..و على فكرة حتى امي تقولي بس خلاص واحد ووقفتي استحي على ويهج ولدج كبر و انتي بعدج صغيرة و تبين عيال خلاص الناس كلو ويهي…كيف اتصرف؟؟؟؟؟؟

انزين حبيبتي مدام ريلج راضي فيج جي خلاص حملي و بعدين سوي رجيم قد ما تبين000

الله يسهل لج امورج ويوفقج .. ويكتب لج اللي فيه الخير ..

الله يعينج

وانا بعد اقول دام ريلج مقتنع فيج خلاص توكلي على الله

احملي .. ويوم اتقومين بالسلامة سوي ريجيم مب بس شهر الا لين ما اتشوفين ان وزنج حلوو

بالتوفيق

إحملي وعقبها سوي رجيم
وحاولي ترضعين الياهل قد ماتقدرين لأنه وايد وايد يضعف
الله يهنيج

يعتمد على وزنج اختي….يعني اذا انتي متينه واااااااااايد يعني في التسعين او اكتر…الوزن هذا ممكن يسبب لج سكري الحمل..اوعسر في الولاده….ف حاولي تقنعين ريلج بهالنقطه…وكوني جاده في تنزيل وزنج…
اما اذا كنتي مربربه شوي بس…ف توكلي على الله وحملي….بس ممكن اتابعين اخصائية تغذيه بحيث تسويلج نظام ما يخليج تزيدين وايد