حبيت افضفض لكم شوي لان هالايام كله مضايجه من موضوع
ما ادري انا الغلطانه وله الناس الي حوالي
ياليت انتو تحكمون >> بس بعقل
وبليز ما اريد ردود بايخه وما منها فايده
الي تحس عمرها بتكتب رد بايخ لا ترد على موضوعي احسن
الموهيم
انا مشكلتي من الناس الي اتعامل معاهم
انا طبيعتي احب الناس احب تواصل على طول مع الناس بعض من صديقاتي يدقن يشكلي همومهن واسمعهن بقلب واوقف وياهن في اصعب المواقف ..
وايد من صديقاتي عرسن وانشغلن عني
بس مع هذا اتواصل معاهم وادقلهم بين فتره وفتره ولي ابتعدت وراحت اماره ثانية والخ
بس اكتشفت انه هالشي صار متعب هالايام في زمن صداقات مزيفه
يعني في بنات ابد ما يدقون علي اله وقت المصلحه
والله لدرجه حتى فلوس بالالاف اسلفهم واجذب على اهلي لمه يسالوني وين راحن لفلوس بس عشان صداقه الي بيني وبينهن
واي مناسبة لازم اكون اول وحده توجبهم سواء اعراس اعياد ميلاد مولود ..عزى (الله يطول بعمر الجميع )
لكن انا اذا صار عندي هالشي ابد محد يقدرني ويحز في خاطري هالشي
لا تقولن اني يمكن مزعجه وله ادق في اوقات غير مناسبه ..بالعكس انا من النوع اذا تكلمت ما اثرثر مكالمتي تكون قصيره معاهن لان كل وحده تكون عندها ظروف
لكن انا يدقولي باي وقت يبن والله حتى لو الساعه 3 الفير عادي واقوم من رقادي وارد عليهن بكل نية صافيه
الحين من اسبوع تقريبا قلت ما بدق على اي وحده فيهن بشوف منو بتستغرب غيبتي
ما اني هالبنات اتواصل وياهن يوميا كنت
والله وله وحده فيهن دقت علي تسال او تطمن…>>وبعد ما اتوب
رحت بنفسي ادق قلت يمكن وحده فيهن فيها شي وله مضايجه وله في ازمه
وطبعا كان العكس كلهن عايشات حياتهن عادي ومبسوطات
اله انا منكده على عمري بسببهن
ما ادري وين الغلط بالضبط مني وله من البشر في هالزمن ؟؟
صداقات قبل كنز الصراحه يعني الخير كله فيهم اا الحين لالالالالالالا مااسميها صداقه
اسميها زماله مؤقته فقط
شوفي الغاليه الخير اللي سويتي اللهن خليه كله لوجه الله
واتواصلي لكن بحدود اللي يقدرك قدر منه لكن اللي قطع ومايوصلك بالشهور اسال عنه سبحان الله يمكن يمر بظرف ولا شي من هالقبيل
سوي صداقات لكن لا تخلينها كل حياتج عادي خليها مرور الكرام يعني لاتتعدى الصداقه الكلووووز وايد
لانه الناس هالزمن نفسي نفسي يامعبود
المشاركة الأصلية كتبت بواسطة توتة العين 
رمستج اتذكرني بامايه فديتها دايما تقولي كوني الاحسن وعند الله مايضيع
احتسبي كل عمل تسوينه لله .. مب عشانهم فكري كيف تواصلج معاهم ومساعدتج لهم في ازماتهم
يـــــــــــــا كبر هالأجر عند ربج .. صدقيني من داخلج بتحسين بالرضى
والله الدنيا نادر ما تلاقينها تمشي على الكيف .. ادري انج محتاجة بعد يكون حد في الازمات معاج
اتوكلي ع ربج وهو حسيبج .. وبإذن الله انتي مأجورة بأفعالج .. الله ما يضيعج وبيي يوم وبتلاقين
الي يعاملج بالمثل واحسن بعد .. اي شي فيه خير يرد على الانسان
الله يكثر من امثالج ويوفقج دنيا وآخرة
والسموحة يالغاآآليه
في ناس ، يمكن ما اتقدر الللي عندها من النعم – إنتي صديقة و النعم فيج من وحده – ، بس باين إنهن منشغلات ..
وللأسف، دامهن ما اتصلن فيج ، الظاهر إنه حبج لهن أكثر من حبهن لج ، و هذي حقيقة لازم انواجهها، ولا تنسين إنهن مشغولات أكثر عنج ، حتى ولو كانن أوفياء ، بتكون لهم مشاغل أكثر ،،،،
أنا بقلج ، سوي مثلن، ما يصير تعطين وااااادي و تاخذين القليل ،،
لازم بعد ما تظلمين نفسج
اشغلي نفسج ، سويلج علاقات ويا بنات يمكن مثلج ، عندهم وقت لج ، وقت يسألون عن ربعهم ،
إنتي يمكن حاطه هالربيعات في المرتبة الثانية أو الثالثة فحياتج ، بس هم ، فكري، شو حيطينج ؟ المرتبة الرابعه ؟ الخامسة ؟ هذي حقيقة لازم انواجهها، وكما يبدو إنهم عندهن أولويات ،،
يمكن كلامي ، يمكن جرحج ، بس ، لو ما قلتلج الحقيقة و لو ما واجهتيها، لين متى بنصك عينا عنها و بنعيش فأوهام … إصحي الحين ، دوريلج شي اتسوينه مفيد ، و لا تشغلين نفسج بهالربيعات … الله يسامحهن
لو بغيتي تبتعدين شوي شوي، اترومين ، اتخفين مكالماتج لهن ، و صدقيني، يوم اتشوفين إنهن ما يدقون ، بروحج بتكرهين الحال، و ما بتحبينه و بتعزمين الأمر إنج تبتعدين … ترى هالموقف هب حلو ، الجريان ورا نهر أسرع عنج …
لا تزعلين ، كل مرحلة من هالحياة فيه تعليم لج ،،،، بتتعلمين ، و بتحسين فيو م وبتقولين ، سبحان الذي قدر إن يستوي بي جيه عشان أستوي أقوى، أو عشان يتغير حالي إلى ما هو أحسن بإذن الله ،،،
في وداعة الرحمن ،،،،
إختج جمال إنسانة.gif "12 (55)")
.gif "55 (10)")
حد يحصل له مكان في قلب صافي مثل قلبج وما يقدر الشي ؟
يا حبيبتي انتي الصح .. واللي تسوينه يدل ع اصلج الطيب والناس ترى مب كلهم شراتج في اللي يقدر ويعاملج بالمثل وفي من اللي ياخذون مصلحتهم وخلاص ..
انتي عودتي ربعج انج ما تردينهم ابدن ! و الظاهر انج بديتيهم عليج ! وغاليتي هالشي غلط ؟ والدليل انج تقولين يوم قطعتي محد تخبر عنج ؟ تدرين ليش؟ لانه متعودين انج انتي اللي تتصلين وتسألين وما تاخذين بخاطرج اذا هم ما سووا الشي اللي انتي تسوينه لهم ..
حبييبتي .. نفسج ثم نفسج ثم نفسج .. زمن الايثار ولّى ورااح .. انا ما اقولج انتي الغلط فيج لا ! انتي طيبه وبنت حمول وكل حد يتشرف بصداقتج .. بس ارفعي من قدر نفسج وعطي كلي اللي يستحق حقه لا زياده ولا نقصان ..
والله يرزقج ع قد نياتج