غفلتي وتوبتي ورحمة ربي الكريم! الجزء الأول

السلام عليكم ورحمة الله وبركاته

بصراحه ترددت وايد قبل لا اكتب الموضوع لاني حسيته موضوع خاص شوي . .

بس اللي شجعني اني انزله هو اني بغيت افيد خواتي اللي ويانا فالمنتدى
وحتى اللي بيقرن

خواتي الغافلات ..

بداية .. ارجوكم .. رجاء حار .. الكلام الجارح مااريده ..

ببدا قصتي وياكم ..
وبقولكم كل اللي فخاطري .. من طق طق للسلام عليكم ..

بسم الله

انا طالبة فالجامعه .. عمري 22 سنه ..
الجامعه كانت بالنسبه لي مثل الحلم ..
يوم كنت فالمدرسه كنت اقول احس اني ماابدش الجامعه لاني مااتخيل شكلي فيها
وكنت دوم اضحك واقول .. شكلي بموت قبل لا ادش ..
<< من باب الدعابه .. !! ولاتدققون على كل كلمه الله يخليكم ..

اول مادشيت .. انصدمت بالواقع اللي عشته ..
ربيعتي مادشت نفس جامعتي ..
وانا مااعرف الي مووجودات ..
فاضطريت اني اصادق بنات يدد ..
بنات مااعرفهم
كانن في مدارس غير مدرستي ..

من اول يوم دورت لي وحده وتلزقت عليها خخخ ..
يوم بعد يوم ..
تقوت علاقتنا .. وتعرفنا على بنتين
وصرنا شله .. >> 4 بنات ..

للأسف ماكنن نعم الصديقات ..
يوم بعد يوم اكتشفت ان كل وحده فيهم اتكلم لها واحد ..
وكل وحده لها ايميل ..
ومسنجرها مليان شباب ..
ويوم بعد يوم ..
ملت لهم ..
وملت لتصرفاتهم ..

بدايتها كانت منتدى مخلتط ..
وعقبها ايميل خاص محد يعرفه غيري انا وربيعاتي
واتطورت وصار لي مسن خاص للشباب فقط ..
حتى هاللي وياي ماكانن يعرفن عنه ..
بس انا واللي عالمسن ..

دخلت في وايد متاهات وسوالف ..
احب هذا واكره هذا واسوي لهذا بلوك واطرش لهذاك ايميل ..
كانت حياتي كلها مرتبطه عالنت
وكنت احزن يوم ارجع البيت لاني مااقدر ادش النت لان كنا منتقلين يديد وماركبوه بعدهم ..

اكتشفت ان اقدر ادش النت ببطايق الاتصالات ..
صرت كل يوم ادش واقعد بالساعات
لين اسبوع او يمكن اقل اخلص كل مصروف الجامعه
واقعد عالحديده بس عشان اعيش عالم الاحلام اللي كنت اعيشه ..

ويا اليوم اللي ينحط التلفون فإييدي ..
كان يوم اسود يوم خذته .. !!

.. بس في وقتها كنت احسه احلى يوم فحياتي ..

بديت العب عليهم ..
واخذ ارقام واتصل ..

لاتقولون اهلي كانوا غافلين ..بالعكس .. اهلي كانوا واثقين فيني ثقه .. كبييييييييره . .!!

وانا ماكنت اتصل الا وانا فالجامعه .. لاني ببلاهتي كنت مااريد احد ينتبه .. وياليتهم انتبهوا ..

طافت سنه

سنتين

ثلاث

وانا على هالحال ..!!

من ربيع لربيع ..
احب هذا واضاربه ويودرني
وعقب احب الثاني ونتضارب ويودرني

الغريب اني كنت اصدقهم كلهم يوم يقولون بنتزوجج .. بس صبري علينا ..

مادري في شو كنت افكر بصراحه !!

قبل سنه و4 شهور ..
تعرفت على واحد .. بالصدفه وكانت صدق صدفه بحت ..
حبيته وحبني << على حد كلامه ..
كنت اشوفه بالدنيا ..
كنت ماادرس بس لاني اخاف يتصل وماانتبه على اتصاله ..

صح حبيته .. بس هو كان سبب هدايتي ..

تابعوني .. في جزئي الثاني ..عن ( سبب هدايتي) ..

اختكم ..