اول شي السلام عليكم جميعا
ثانيا بدخل في الموضوع بشكل مباشر ..
مشكلتي اني صابني حالة احباااااااااااط احبااااااااااااط احباااااااااط مستعصيه
كرهت الدنيا ,, كرهت اعيش ,, مابي اعيش
بتسألون عن السبب ,, السبب بنسبالكم تافهه بس مأثر فيني
اول شي تكويني يقول ياهله
يعني ..
(بيبي فيس ) و غير هذا فيني قصر قامه مبالغ فيه .. 
و هالشي خرب حياتي كلها , انا عديت العشرين , يعني ماشي امل اطول زياده , في البدايه انا ماكنت
منتـبـهه , يعني كنت قنوعه و عاجبني القصر بس في موقف اثر فينـي اللي هو كنت محيره لشخص من كنت صغيره , و من كثر ما حيروني له حبيييته صج , و في مره سمعت من الناس ان هذا الشخص راح و خطب غيري من غير مايقولوا لنا و لا لحد عسب بس نحن مانزعل , سمعت من بنت غريييييبه , تخيلوا الموقف !!
نزين شو السبب ؟! و ليييييييييييش ؟!
السبب : بنتهم قصييره مش تنفع لنا .. << اللي هي انا .
نبي بنت عليها طول لولدنا ..
تتوقعون لو وحده منكم مكاني شو بتكون ردة فعلكم ؟ كيف بتتصرفون ؟ يعني مب سنه و لا سنتين محيره , سنييييييييييين سنيييييييين , يعني مب هينه .
ومــع ذلــك !!
نسيت السالفه , بالأصح عملت نفسي اني مش مهتمه فيهم , رغم التنغيز اللي كانوا يقطونه عليي .gif "12 (46)")
اللي منسيـني ان كانت لي اربييييعه كلووووووووز وياي , و اقترحت علي اني اخذ اخوها طبعا فكرت في الموضوع و قلت لهلي و رضيت فيه يعني وافقت لان امه رمستني و السالفه جد , في العيد اتصلت فيني قالت شخبارج كل عام و انتي بخير , قالت انا اليوم عندي مشوار قلت لها وين ان شالله , قالت خطبة اخوي اليوم ..( اخوها اللي خذت شوري اذا كنت موافقه اتزوجه ) قلت اوك و سكرت بدون اعلق على اللي صار و السبب نفسه .
و كملت صداقتنا و طنشت السالفه المهم عندي صديقه
بس صديقتي جاها اليوم و عرست و بقيت لحالي اسمع نغزات الناس عليي لوحدي ,, ماعندي حد يخفف عني ,,
والله اسمع قرآن , و استغفر , و ادعـــــــي << احس في داخلي حرب بين مشكلتي و الشيطان و الايمان ..
حالي مش مستقر و اعاني من الناس , احس اني مخلوق غريب
صرت كله قاعده وحدي ( يعنــي انطوائيــه )
والله عفت الكل و الحياه احس اني جسد بدون روح و الله ما اقدر اتحمل نفسي و الناس و العالم اللي عايشه فيه ..
والله مش ذنبي
شو اسوي بعمري؟
ابي حل …
حبيبتي هاي خلقة ربج شو بتسوين يعني ..؟
يوم قريتج كاتبه كرهت اعيش ومابي اعيش قلت هاي بتكون ياهل ومراهقه
بس ماشالله عليج ويه زواج الحين
واذا الله مو كاتبلج هالناس ترى مابتاخذين الا اللي الله كاتبلج ياه
لا بتاخذين نصيب غيرج ولا غيرج بياخذ نصيبج
ادري انها مشكله ووايد مأثره فنفسيتج
بس خلينا نطالع من منظور الواقع
حتى عمليه مافي حق التطويل !!
والبيبي فيس مش عيب ابدن انا بيبي فيس والحمدلله الكل يمدح بملامحي
توكلي على الله الزواج مش اول ولا اخر حياتج
حياتج اللي انتي فيها الحين هذي الكآبه والحزن اللي ابد ماراح ينفعونج
خليج متوكله على الله
غاليتي 
القنـــاعة كنز لا يفنـى ^_^
ورضى الناس غاية لا تدرك
إذا طويلـة يقولون طويلـة واذا فيج قصر يقولون قصيرة
اذا وزنج مناسب يقولون ضعيفـة ,, واذا وزنج زايد يقولون متينـة
اذا بشرتج حنطيـة يعيرونج عليها
وغاذا بشرتـج بيضـة يقولون عنج مب عربية ههههههه
يعني صراحـة اختي واسمحيلي على هالكلمــة بس كل هذا سخـــافة ^_^!
حاشى لله ورب العالمين بقدره وجلاله يخلقنا معيوبين
{لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ}
كلنـأ جميلات أختي ومحد لازم يشـل عنج هذا الحق
لإنه حق رزقنا به رب العالمين
وميزنا به عن سائر الكائنات
الجمال الحقيقي أختي في داخلنا
يوم نحن نشوف أعمارنا حلوين الناس تحبنا ^_^
ويوم الناس تشوفنا كلنا عقد نفسيـة واحباطات فعلا تصدق ان نحن مب زينين ..
أختي لا يهمج كلام الناس لإنه ما يخلص
حطي كلام رب العالمين حلقـة في أذنج
واستعيذي من الشيطان الرجيم وشلي عنج هذا الوسواس
نصيبج الي مكتبه حقج رب العالمين
لا سنتيميترات الطول ولا كيلوات الوزن بتوقفـه ^_*
رب العالمين يقول كن فيكون
بس أهم شي أختي لنفسك عليك حق ..
لازم تهتمين بعمرج وبتطوير ذاتج وتثقيف روحج
اهتمي بالصلاة والنوافل وزيتادة الطاعات
ثقي في قدرة الخالق وجمالية خلقه لنا
ثقي ان رب العالمين يحبنـأ وهو سبحانه وتعالى جميل يحب الجمال
فأكيد كلنا فينا جمال ..
وذكاءنا لازم يساعدنا على إبرازه بالطريقـة الصحيحة وبما يرضي الله
وأهم شي أختي اشغلي وقتج في الشي الي يزيدج علم ويقوي ايمانج
وهواياتج وكل شي تحبينه وما يخالف شرع الله
وخلي أمور الزواج لوقتهـا ^_^
وحتى الناس أختي الي يآذونج برمستهم
لازم تعرفين ان محد بالأول والأخير له قدرة على مشاعرج
انتي تقررين متى تستانسين ومتى تزعلين !
والأفضل لج تقررين تستانسين وتخلين حياتج حلوة ^_^
والي تكلم عنج قولي له يزاج الله خير زدت من حسناتي واهديه هدية شكر ^^
وخلي الناس لله واهتمي بعمرج وثقتج بنفسج
وباذن الله ما بتخيبين
المشاركة الأصلية كتبت بواسطة Rainbow Sweet 
حبيبتي هاي خلقة ربج شو بتسوين يعني ..؟
يوم قريتج كاتبه كرهت اعيش ومابي اعيش قلت هاي بتكون ياهل ومراهقه
بس ماشالله عليج ويه زواج الحين
واذا الله مو كاتبلج هالناس ترى مابتاخذين الا اللي الله كاتبلج ياه
لا بتاخذين نصيب غيرج ولا غيرج بياخذ نصيبج
ادري انها مشكله ووايد مأثره فنفسيتج
بس خلينا نطالع من منظور الواقع
حتى عمليه مافي حق التطويل !!
والبيبي فيس مش عيب ابدن انا بيبي فيس والحمدلله الكل يمدح بملامحي
توكلي على الله الزواج مش اول ولا اخر حياتج
حياتج اللي انتي فيها الحين هذي الكآبه والحزن اللي ابد ماراح ينفعونج
خليج متوكله على الله
انا قصدي الزواج هو اللي خلاني انتبه على نفسي , و عقدني بقصري ..
ثانيا يوم اسير اماكن عامه ما يحترموني شرات خواتي يعني ما يعيروني اهميه ابد لان ما يبين اني كبيره ..
احس قهر , حتى هلي هلي يقولون لي يالقصيره .
ماشاء الله بيبي فيس ومب طويله يعني مابيبين عليج الكبر مثل غيرج
الله يهديج ويسعدج ان شاء الله
المشاركة الأصلية كتبت بواسطة وحيده بدنيـتي ثانيا يوم اسير اماكن عامه ما يحترموني شرات خواتي يعني ما يعيروني اهميه ابد لان ما يبين اني كبيره ..
احس قهر , حتى هلي هلي يقولون لي يالقصيره .
ع فكره انا مثلج بيبي فيس ومليانه
وطولي 166 ويقولولي القصيره
ليش ان اهلي ماشالله كلهم 170 وفوق
والشباب 180 و190 الله يحفظهم
بس العيب مو فيني العيب باللي يتكلم عني
خليج واثقه بنفسج اكثر
وبييج النصيب اللي يخليج تفتخرين بنفسج
وع فكره الحرمه الطويله لاكبرت يبين عليها الكبر
اما القصيره تتم كيوت وصغيرونه
مع احترامي للطوال