وذلك لهم قنعوا بان آن الآوان لتبديل الاحوال
وبعيدا عن الثورات …….. لنتحدث عن تغير النفيس
وخاصة في هذا الشهر الفضيل واغتنامه كفرصة رائعة لتقوية النفس
ياريت كل وحده تكتب شو العادات الي حاولت اتغيرها في رمضان وكيف
والشي الي تبي اتوب منه وكيف
بابدأ بنفسي
بالنسبة للعادات للعادات للاسف مارجعت نفسي في الموضوع وماعرف شو لازم اغير 
وهذا مو معناه ان كل عاداتي في السليم ………….الله كريم
بس بالنسبة للتوبة …………ابي اتحجب عشان جي بالبس امطات تغطي الشعر حتى لو الشيلة طاحت او اتبهدلت … بس مب متقبله شكلي فيها لكن لازم انجاهد
وثانيا ان ما اسمع اغاني ………..الحمدلله اني مش مدمنة اغاني وقد ما اقدر ما انزل لا في التليفون ولا في الاب توب…………..اما في السيارة بشتريلي اناشيد حلوه
وبس ياريت الكل يشارك ويفيدنا
اممممممم مافي فبالي شي الحين
بالنسبة لي هالرمضا مرة أحسه غير الحمد لله للأفضل
السنوات اللي قبل كان عندي دوام فالصباح صحيح أكون صاحية و مايكون رمضان لنوم
لكن ما أقدر أسهر للعبادة
هالسنة الحمد لله أجازة و يارب كل سنة رمضان أكون أجازة
هالسنة الحمد لله
1 – صلاة القيام ما أخليها بالثلث الأخير من الليل
2 – الاستغفار في الثلث الأخير من الليل و هو أفضل وقت للاستغفار ( وقت السحر )
3 – قد ما أقدر أحاول أجلس لبعد الشروق اذكر ربي واسبح من بعد صلاة الفجر لحد ما أصلي الضحى
لأن الأجر فيما جاء فيما معنى الحديث ( أن اللي يجلس في مصلاة بعد صلاة الفجر إلى شروق الشمس ثم يصلي الضحى فهي تعدل حجة )
و الحمد لله بشكل عــام أقدر أقول حاولت قد ما أقدر احرص ع الجوانب اللي فيها تقصير
وربي يتقبل
الاستغفار بشكل يومي
الله يثبتج ويثبتنا ان شاءالله
والله يثبتنا ع الطاعات
انتظر المزيد من المشاركات
تسلمين أختي آلغآليه ع طرحج للموضوع وربي يثبتنآ ع آلدين يآ رب . .
بالنسبه لي أنآ:
1- ختمت آلقرآن مرتين والحينه بخلص الثالثه إن شآء آلله وأول مره أختم 3 . .
2- في أشيه عرفتها مثل الأدعيه والحمدلله قايمه فيها . .
3- الـأغاني مودرتنهم من قبل رمضان مول مآ اهتم قي شي اسمهـ أغآني . .
4- صلاتي محافظهـ عليها وااايد الحمدلله في أشيه الحينه عرفتها آصلـآ عن آلصلـآهـ . .
وفي أششيه قاعدهـ أتعود عليها والحمدلله كل واحد ونيته وقلبه الـأبيض
ربي يهدينآ أكثر ويوفقنآ دنيآ واخرهـ ويعجل في دعوآتنآ إن شآء آلله . .