كيف الحال خواتي
اعتقد هالموضوع متعب الكل من الادارة والمعلمين والطلبة واولياء الامور
طولوا الدوام على الفاضي من دون فايدة
انزين قالوا الدوام بيطول عشان ال17 يوم اللي اخروا فيها الدوام
انزين الفترة الاولى عدت والحمد لله
بس الفترة هاي ما شي اي اجازة وكل اجازة تصادف الجمعة يعني ما شي تعويض
انزين والمنهج مثل ما هو فليش يطولون الدوام
وما يعيرونه ويردونه مثل قبل
خلنا نتضامن مع بعض ان شاء الله نقدر نضغط عليهم ويردون الدوام مثل قبل
في انتظار تفاعلكم
عشان ايتم الدوام مثل ما هو لين الساعة 3 وبعدها ايزيدون شوي شوي
حتى انه اليوم اربيعتي خلاص قالت بقدم استقالتي من كثر التعب الجسدي والنفسي
والظاهر انا لاحقتنها
نحن مب بس معلمات نحن بعد امهات
نرجع البيت متاخر ونقابل البيت والعيال والزوج
ما شي وقت نحضر ونصحح ……..الخ من مهام التدريس وما شي وقت لبيتنا
خل يردون الدوام مثل ما كان اريح لنا ولطالباتنا
قبل الحرمة تستقبل الريال الحين صار العكس الريال يستقبل الحرمة فالبيت
آخر زمن
والشكوى لغير الله مذلة …
لان وآآيد اشيا صارت قبل تكلمنا وشكيـــنا ومحد سمع لنا ..
الحين بيتغير .. ؟!!
الحمدلله انه هاآآي آخر لي في المدرسه و الله يبعدني عن المدآآآرس والتربية
لا تفقدون الامل
كل شي بيد رب العالمين
وبالارادة والعزيمة والتضامن
لا تفقدون الامل
خلنا نجرب خطوة ونتوكل على الله
اشتركوا في البرامج الاذاعية
في البرامج التلفزيونية
طرشو مسجات
يمكن
ان الله على كل شي قدير
والله قال
اسعى ياعبد وانا اسعى معاك
ليش انحط ايدنا على خدنا وانقول ما شي فايدة
بالعكس
كل شي ممكن يصير
وااااااااااايد تعبنا من الدوام الطويل
حتى أفكر أقدم استقالتي
لأنه والله أرد البيت وما لي بارض عالعيال
غير جذي ما أحصل وقت أقعد وياهم أو أرقد شوي
وووايد ممل
وماله اعي للتطويل دام أنه المنهج عادي وما في أي إجازات
يا ريت الكل يحتج وتوصل الرسالة للوزير