الغاليات بس حبيت اشارككم تجربتي مع مدرسة النخبة النموذجية
ولدي كان في مركز تطوير رياض الاطفال والكل عارف قوة هاي المدرسة، قدمنا حق امتحان القبول في النخبة
المهم بعثولنا مسج ان ولدكم ما اخذ النسبة المطلوبه……
اوكى امنا بالله ، راجعناهم قلنا نبا نعرف كم ماخذ……ما في رد
اوكى راوونا اوراقه……..مافي رد
انزين عيل صدق اللي سمعناه، ان اللي عنده(و) هو اللي ينقبل حتى لو ما اخذ درجة النجاح؟؟؟؟؟؟؟؟؟؟
عيل ليش كل ها التمثيل يوم انهم يقبلون فلان وعلان وعلى هواهم
يشلون الامتحان ولا يقصون على خلق الله
بلييييييييييييييييييييييييييييييييييز حد يشرح لي السالفه!!!!!!!
احينه انا متوهقة………….وين ادور له مدرسة؟؟؟؟؟؟؟؟؟؟؟؟؟؟؟نحن في الخوانيج
حسبي الله ونعم الوكيل
مشكوره على ردج……..
انا يالسه اسال يمين ويسار عن مدارس زينه ومن احصل شي ان شاء الله بخبرج……
بس القهر تعرفين انهم منقعينا للنهاية واحينه يايين يقولون مب مقبولين عيالكم والسبب ؟؟؟؟؟؟؟؟الله اعلم
الموضوع ما ينسكت عنه الصراحه
انا يمكن اسير الوزاره وللا اتكلم في اذاعة نور دبي الصراحه
فيني غيظ وقهر
واكيد في وايد مثلنا
المهم احينه عندي مدرستين في بالي
١)التربية الحديثة
٢) المهارات الحديثة
انتي بعد حاولي تسالين مني مناك يمكن نحصل مدرسة زينة حق عيالنا
الله يوفقنا ويوفقهم
انا سجلت ولدي في المهارات كي جي ١ وايد يمدحوونها
مشكورة عزيزتي على الرد … أنا عني مضطرة ادخل عيالي مدارس حكومية الصراحة … هاي بتكون اول تجربة لي مع المدارس الحكومية وان شاء الله على السنة الياية بنقل عيالي كلهم والله يجدم اللي فيه الخير ..
بالنسبة لخياراتج انصحج بالمهارات الحديثة .. هاي وجهة نظري لأني السنه اللي طافت وايد دورت مدارس واستقريت عليها بس للأسف ما كان عندهم مكان للمراحل اللي كنت اباها …
عن سكان مناطق الخوانيج نحن بنكون تبع مدرسة عتبة بن غزوان … اتمنى حد يفيدني بخصوص المدرسة …
والله يعينج يا عيالي وبس … وين بدخلين ولدج الثاني؟