نسيتني واليوم جاء الدور ابا انساك
الوقت به نسيان الاحبـاب عـادي
الشاعر
خليل المطيري
الوقت به نسيان الاحبـاب عـادي
عطني طريقه للجفاء ودي أجفـاك
دام الجفاء له في حياتـك مبـادي
لا شلتنا من داخل القلـب شلنـاك
مثل الهبوب اللي تشيل الرمـادي
لا تحسبني مثل غيـري ترجـاك
لا والـذي يعلـم مماتـي وزادي
إن كان غيري في كلامه ترضـاك
يمشي على كيفك يبوس الأيـادي
أنا نويت انسـاك وابيـع ذكـراك
هذا جزاء اللي للجفاء كان بـادي
أتعبتني والحـظ غـادر سرايـاك
أشقيت حالي معك علـمٍ وكـادي
لو الوفاء طبعـك تمنيـت لقيـاك
بس الوفاء بعته حـراج ومـزادي
لا عاد ترجيني وهـاذي سوايـاك
ابعد وانا ببعد وابا اقطـع مـدادي
نسيتني واليوم جاء الدور ابا انساك
من يوم ضيعت الوفاء والـودادي
الشاعر
خليل المطيري