فراش المرض

قصيدة فراش المرض

ياعين وين النوم وانتي حزينة
وين السعاده بس وين السعاده
هلي دموعك في هدوء وسكينه
وان زاد دمعك لجله اخذيه عاده
يوم الرسايل جاتني بالغبينه
قالوا مريض وبالعنايه رقاده
حبيبك اللي بالوفا خابرينه
اصبح على فراش المرض والوساده
ضاقت بي ايامي وعفت المدينه
والجوف ناره تشتعل في زياده
واحزان قلبي زودت في ونينه
الله واكبر شوف حظ القراده
قبل امس انا وياه عيني بعينه
ويقول عمري معك حقق مراده
حبك ياتركي في يدين(ن) امينه
حافظه في قلبي ولاله اباده
واليوم خلي وسط غرفه وشينه
يرثى لحاله والدوا ماافاده
وانا همومي في خفوقي دفينه
اقضي دقايق ليلتي في نكاده
ضاع الفكر والصبر ويني ووينه
اظلم نهاري بعد خيم سواده
واجر صوتي والعرب سامعينه
جمر الفرح طفى وباقي رماده
عمري بدونه ناقصات(ن) سنينه
احسن لي اطلب من بعده الشهاده
لكن ياربي طلبتك تعينه
ادعيك وارجي من دعاي استفاده
يارب عبدك رافع(ن) لك يدينه
يطلبك وانت اللي عليك اعتماده
يالله تشفي من لقلبي ظنينه
ويلبس يارب الطيب لبس القلاده

مماراق لي فنقلته لكم

الشاعر تركي السواط

سبحان الله عدد خلقه ورضا نفسه وزنة عرشة ومداد كلماته

تسلميـــــــــــــن على النقــــل الرائع
و صح لسان ناقلها و قايلها
بس طيحتي قلبي ببطني حسبالي انتي كاتبتنها و ان هالشي صج

هههههههههههه الله يثبت قلبج بمكانه
وتسلمين الغلا