خواتى ممكن فزعتكن" فريجينا و واشنطن"؟؟؟

هلا مرحبا الغاليات
بغيت أسالكن عن أماكن التسوق والسياحه فى ولاية فرجينا و واشنطن شوه أحسن الأماكن الموجوده والمشهوره فى هذي الولايتين لانى سرت هارشيز وتايسون ون وتو وسرت مبنى البنتاغون وساحة الشهداء و سرت حديقة الحيوانات بواشنطن وشوه غير هذي الأماكن السياحيه و وين موجوده لانى فى زياره حاليا لهذي الولايتين وأبغى أستمتع فياريت إلى ساكنه بإحد هاذي الولايتين تفيدنى؟؟؟؟

فيه وايد مولات و أوتليت فى المنطقه .. على سبيل المثال:

1- Leesburg Corner outlet فى فرجينيا نهاية شارع ليزبيرج بايك اللى فيه تايسون ..
2- Potomac Mills
3- Arundel Mills هذا شوي بعيد تقريا 45 دقيقه بالسياره
4- King of Prussia مول حلو و كبير فى فيلادلفيا

بس على فكره اختي كل المحلات متشابه و متكرره فى كل مول .. اللهم العروض هي اللى تختلف و اذا كنتي تدورين على مقاس معين أو موديل خلص من محل تضطرين تلفين لين تحصلينه …

عندج غير الأسواق اماكن تمشية و حدايق … مثلا:

1- مزرعة الآميش فى بنسلفانيا اللى عايشين مثل القرون الوسطى تروحيلهم خلال الأسبوع
2- أتلانتيك سيتي فى نيوجيرسي
3- ملاهي سيكس فلاغز
4- حديقة برامونت فى فرجينيا