مرحبا خواتى الغاليات
انا بسافر لماليزيا على شهر واحد وحابه اسكن فى شقق فندقية نظيفه وحلوه وتكون الشقه شامله الافطار
فياريت اذا حد مجرب وساكن شقق فندقية يخبرنى عن اسمها وعنوانها فى كوالالمبور
واشكركم كثير الشكر
هلا اختي اشحالج … انصحج بفندق تايم سكوير الصراحه وايد روعه ونظيف واسعارة معقوله …الفندق فيه مدينه ملاهي للصغار وفيه مدينه ملاهي للكبار وفيه عشر طوابق مركز تجاري وفيه مطعم لبناني وفيه مسبح في الطابق 15 وفيه صالونات والسكيورتي وايد اوكي عندهم واللفت ببطاقه يعني امان لان محد يقدر يركب اللفت الا اذا ساكن في الفندق وعنده بطاقه وفيه محلات صرافه وفيه جمعيه كبيرة للتسوق وفي نفس الوقت تقدرين تطبخين في الشقه وكل اغراض الطبخ بتحصلينها موجودة في الشقه من معدات وبعد عندهم محلات اعتقد في الطابق الرابع تقدرين تشترين منه بطاقه تيلفون لخط ماليزيا وعندهم بعد بطايق تعبئه ونسيت اقولج الفندق ترى فيه سينما وبعد عندهم في الطابق العاشر سينما ثانيه وتعبر اكبر سينما ثلاثيه الابعاد في ماليزيا ومع كل هذا عند الباب الخلفي بتحصلين برى كشك صغير تاخذين منه تذاكر حق التاكسي احسن لان التكاسي بيقصون عليج بالاسعار وفي هذا الكشك اسعارهم وايد حلوة تاخذينها وتروحين تركبين اي تكسي بس تعطينه التذكرة وبعدين ترى هالفندق في وسط المدينه وفيه جسر معلق يوصلج لشارع العرب يعني كل المميزات موجودة فيه وانا كل سنه اسير ماليزيا واحجز فيه ويفضل تحجزين عن طريج الانترنت
اتمنى اكون افدتج بشئ واذا فيه اي استفسار انا حاضرة
اتمنى اكون افدتج بشئ واذا فيه اي استفسار انا حاضرة
الف شكر لج اختى على معلوماتج
شو بالنسبة لاسعاره؟؟