شحالكن خواتي ..بغيت من صاحبات الخبرة المساعدة ف ترتيب رحله ..
انا وريلي مقررين عقب العيد نسافر النمسا (فيينا وزلامسي والمناطق المحيطه ) بس بغيت اعرف كم نيلس فيها وكيف نرتب اول وين فيينا ولا زلامسي ؟؟ واذا ممكن نسير فينيسا من زلامسي لاني قريت ف منتدى انهم جراب من بعض ؟؟
بغيت جدول مرتب وحلو .. والمدة اللي مفكرين نسيرها ان شاء الله 10 ايام (9ليالي ) ..
يسعدلي يومج ختيه
انا صيف 2024
سافرت النمسا وسويسرا
نزلنا فيينا 3 ايام اظن !
وعقبها سالزبورج 3 ايام
وزلامسي 4 ايام
فيينا ما اشوفها تستاهل اكثر من يومين !
سالزبورج ترومين تحوطين فيها فـ يوم واحد
مدينه حلوه وهاديه ..
وفي بحيرات جريبه منها وايد حلوه
يبغيلها يوم بعد او يومين
زلامسي يبغليها تقريبا 5 ايام او اكثر
تسيرين مرتفعات كابرون وشلالات كريميل
والبحيرات المعلقه والزحليقه الصيفيه
والتمشيه حذآ بحيرة زلامسي
وبعد في اماكن ثانيه جريبه منها
سوي سيرش فالنت وبتلقين
وااايد مواضيع ..
والمسافه من زلامسي لين فينيسيا
تقريبا 4 ساعات
والسموحه ع القصوور
=)
انتي كاتبه زلامسي يبالها 5 ايام بس ها في الصيف اتوقع لان في شهر 10قالولي المكتب ان اغلب الفعاليات ما تكون مفتوح..لشلالات مب اكيد المرتفعات ممكن نسيرلها وبعد مب اكيد اذا كان الثلج كثيف احنا حاطين ف بالنا ان زلامسي 3 او 4 ايام بس لانها بتكون واايد بااردة ..
انا جدولي اللي اقترحته ان يكون
اول ليله فيينا
عقبها 4 ايام زلامسي
ليله فينيسا
ليله سالزبورغ
ليلتين فيينا
9 ليالي المجموع ما ادري شو الراي ..؟
انا نازلة مطار ميونخ و منها للنمسا ..
انتي اي طيران حاجزة؟
انا عني لو بتطلبين رايي تنزلين في ميونخ .. و اتمين 3 ايام.. عقبها سالزبورغ 3 ايام.. و عقبها زيلامسي يومين و عقب تردين ميونخ يوم و تروحون من ميونخ .. لنه ميونخ و فيينا تقريبا نفس الشي اللهم ميونخ سوقها احلى .. و زيلامسي ما تستاهل اكثر من يومين .. ترومين تحوطينها كامله و تسيرين منها للكابرون (المنطقة الثلجية الي تسيرينها بالتلفريك)
و ترومين تشوفين تقريري للنمسا ان شاء الله يفيدج