هذا الكورس لم أستطع تحمل الموااد التي أدرسها وأنا طبعا طالبه جامعية ، والذي يحبط معنوياتي وهي المادة اللغة الإنجليزية ، لأن الدراسة عن الأيلس وهاذا صعب جدا ، كنت أعتقد إني سوف يكون مستواي B
مثل الكورس الأول
ولكن الأن لايوجد لدي ثقة في نفسي ، ويدور في رأسي الأنسحاب من الكلية .
وكنت قبل أدرس في جامعة العين ، وقد إنسحبت منها بسبب الإنجليزي ،
أريد مساعدة منكم لتوجهي لاإتجاه الصحيح
وشكرا لكم
اللغه الانجليزيه تحتاج تمارين X تمارين …. بتقوى اكثر واكثر …
لا تخافين من هالماده صدقيني بتيبين الدرجه المطلوبه وزياده …
وانا خذيت الايلس من فتره طويله …..
مع اني كنت شاكه اني برسب لاني كنت تعبانه وحامل بالتاسع …
جبت درجه اكثر من المطلوب …
ثقي بنفسج وانه غيرج مب احسن عنج …
كافحي لا تضيعين هالفرصه …
بس ارجع اكرر التمارين مهمه جدا جدا جدا … كل اللغات تحتاج ممارسه وتمارين …
سيري المكتبه وخذي لج مواد سمعيه وكتب واقري ….
واسمعي اخبار باللغه الانجليزيه بيتحسن الاستماع عندج واااايد عن تجربه …
دوري بالنت بتشفوفين المواقع الاجنبيه حاطتلج تمارين خاصه بالايلس بالهبل استماع وقراءه وتحدث وكتابه ….
راسلي استاذج … اكتبي فقرات ومواضيع بافكار مختلفه وطرشيله خل يصلحلج ….
استخدمي فوكاب يديد دوري في المعاجم والقواميس واستخدميهم في الكلاس وفي المواضيع اللي تكتبيها …
لازم تجتهدين وتقهرين هاللغه … غيرنا مب احسن عنا 
والله يوفقج وتنجحين وتييبين الدرجه المطلوبه
شههر سته بخلص من آألمدرسه وآأبـآأ آأروح آألجـآأمععه
وكم مره آأمتحنت آأيلتسس ورسب فيه مـآأعرف شسوي .. !!
آاحسس يـآأني آأحبــآأط خلاص كرهت آألجـآأمعه وآألي سوآأهــآأ ..
آأتــم فـآألبيت آأحسسن ..
أنا أسوي أكثر عن المطلوب بس أحس إن مستوااااي ما قاعد يتطور
وشهر 4 إن شاء الله بمتحن الأيلس عشان أخلص بس ألحين خوفي
إني أدرس بس على الفاضي ، لأن إذايبت الأيلس بتخصص وإذا مايبته شو أسووي بعدين
أفكار وايد دور بالي بس ما أدري ، لكن عندي أمل إني أبلبل بالإنجليزي
وفي كل وظيفة مطلوووووووووووووووبة وبشدة
يعني لازم تدخلين دورات وتدخلين مواقع عشان اتطورين من نفسج
او في الكليه بفلوس بس بوقت اقرب انا اعرف ان الكليات تعطي امتحانات بفلوس مب بس للطلبه للناس من برا الكليه …
… بس يبالها ميزانيه …
عالاقل بتعرفين مدى تطورج وتقدرين تتخذين قرار بسرعه … بس بنفس الوقت شهر اربعه مب بعيد …
شدي حيلج من الحين والله كريم …
ونصيحه استخيري … الله بيسهلج الدراسه وكذلك الامتحان اذا فيه خير لج او اذا ما كان خير بيبعده عنج …
والله يسهلج ان شاء الله وتنجحين بغمضة عين