إشحالكم خواتي ؟
أمس قبل لا أرقد قادت افكر ف جسمي وصحتي ( بما انه إجازة عندنا ولمدة أسبوعين انا حابة أسوي نيو لوك للأبد مب بس حق أسبوعين )
كتبت أشياء تفيدني وب تفيدكم بعد خواتي انا هلا أشياء كنت اسويها قبل والنتيجة أني نزلت وزني من 95 لين 81.6 وحالياً قاعدة أصارع عمري وأبي انزل بعد 15 كيلو .
الطرق اللي بتعبها كالتالي :
1. حاذفة من بالي كلمة رجيم ( رجيم معناته اكل أتقيد فيه فترة معينة لين ما أوصل لوزن المطلوب وعقب خلاص أودر ) وانا بالأساس حابة أعود نفسي ع الأكل الطبيعي اللي يتسوى بالبيت ف من جذي تركيزي راح يكون ع " 70٪تخفيف و 30 ٪ رياضة"
2. بكثر من الفواكه والخضروات ( التفاح ، البرتقال ، الكمثرى، جوافة، الفراولة، يوسفي ، البطيخ، الشمام ) انا بالنسبة للخضروات انا أفضلها مسلوقة مثل ( بروكلي، فاصوليا ، زهرة ، جزر ، كوسة، بطاطس)
3.بركز بشكل كبير ع البروتينات ( لحم ، ديلي، سمج ) بنات البروتينات وايد مهمة للبشرة والشعر اللي تبي تكسب نضارة تكثر من البروتينات وعن تجربة اقولكم إياها راح تحسون بالفرق
4.بشرب من 3 لين 4 لتر ماي ( انا قبل ما كنت احب الناي ولكن عودت عمري عليه لانه شفت العجائب منه ) بقول لكم طريقتي ف شرب من 3 لتر لين 4 لتر ماي" اول شي لكل 4 أكواب = 1 لتر ماء " .
وانا الله يسلمكم اول ما إنش من النوم ع طول ابللع لي كوبين ماي وخلاف أقوم اتغسل ، عقب هالنقطة قبل ما اترييق بربع ساعة اشرب بعد كوبين ماي ف صار 1لتر ماي شربته ف فترة الصبح حلو ؟ الحيين ع الظهر قبل الغدى اشرب كوبين ماي وعقب الغدى بنص ساعة أو ساعة شاربي كوبين ماي ، أهنئ انتي بتكونين مخلصة 2 لتر من الماي ، العصر اشربي كوبين والمغرب كوبين صارو 3 لتر ، إذا خطأين ف بالكم تلعبون رياضة اشربو قبلها كوب ماي وأثناء الرياضة كوب وبعد الرياضة كوب ، قبل النوم كوب وانتو جذي راح تشربون من 3 لتر لين 4 لتر ماي
5. الحلويات هههه نقطة ضعفي بصراحة ( ما اقولكم لا تأكلون كلو حبيبتي ولكن بكميات معتدلة )
تعبت وانا اكتب بقوم أصلي وبرد أكمل لكم أن شاء الله الباجي
7. الاكثار من الالبان ( بنات انا ضايفة اكاونت ف الانستقرام وهو إخصائي تغذية وايد يمدح منتجات الالبان قليلة الدسم ودأئما يحث ع إستهلاك اللبن أكثر من الحليب ) thedietninja أكاونته
8. الرياضة ( انا حاليا رياضة ف امشي مرتين ف اليوم رياضة عقب صلاة الفجر وعقب صلاة المغرب ) وف ايام الكلية اكتفي بساعة ونص من الرياضة وقسمته كالتالي ( 30 دقيقة مشي سريع + 15 دقيقة جري أو هرولة + 15 دقيقة سيكل + 15 دقيقة زومبا + 15 دقيقة تمارين مختلفة لكافة اعضاء الجسم.
9.عقب الرياضة بنص ساعة خذو لكم شاور بماي دافي وخلاف عقب ما تخلصون جبو ع ارواحكم ماي بارد هالنقطة وايد مهمة للي تبي جسمها مشدود وعن تجربة .
10. حبو نفسكم وشوفو نفسكم عدل مدل راقبو الاكل اللي تأكلون ودايما ركزو ع المكونات : نسبة البروتين والالياف والمعادن والدهون و الفيتامينات ..
وإن شاء الله انا هالنظام رجعت له اليوم وأبدأ مأ بودره وبخلييه جزء من حياتي اليومية ..
وزني شفته يوم الخميس كان 81.6 إن شاء الله انا حابة اشوف وزني كل5 ايام يعني تاريخ 5/4 راح اشوف وزني
وللي حابة تشارك حياها الله ..
وعندي شرط اجباري اليوميات لازم تكون مصورة حبيبآتي وانا ان شاء الله من اليوم راح انزل لكم الصور ..
