أول شي هذا إهداء مني لكم
منو فينا ما يحب الماكنتوش ؟؟
لكل نوع معجبين وجماهير
وأكيد كل واحد عنده نوع يحبه ؟؟
وأكيد كل بيت يتهاوشون على نوع معين
وطبعا أكثر الهواش على الخضره المثلثة اللي نسميها بو مرسيدس والبنفسجي هم بسرعة يخلص والأصفر اليهال دايما يحبونه
وهذي صورة مراحل تطور علب الماكنتوش
طبعا العلبة بالنسبة حق كبار السن ما تنقط
اليد يحط بالعلبة مفاتيحه الزايده أو يسويها حصالة
واليده تسويها علبه حق البكرات وعدة الخياطة
يعني كل بيت تشوفون من هالعلبة حتى لو فاضيه
يالله الحين كل واحد يقول شنو النوع المفضل له من هالكاكاو ؟؟
الأخضر ومال القهوة البني
واتذكر امايه تحط براقعها في القوطي^ــــــــ*
وعلى اواخر الثمانينات كنا نشترى وياها حلاوه ثانيه للعيد بس ما اذكر اسمها بس كان شكلها كور صغار ملونه وفي النص محطوط بندق اضن او عيينه بيضا ومغطايه بالناريل وقوطيها نفس الماكنتوش
خاطري فيها 
لانها مب موجوده في الاسواق