Summer 2024 New Zealand

اشحالكم عساكم ابخير

انا ابخير الحمدلله << منو سأل عنج هههههه

ييتكم اليوم بالتقرير السادس لسفراتنا ورحلاتنا .. وكانت الوجهة في هذي المرة إلى New Zealand وبالتحديد مدينة Auckland

وهني تقاريري السابقة للي ما حالفها الحظ انها اتشوفهم ..

قولوا ما شاء الله بليز

التقرير الأول إلى London
https://forum.uaewomen.net/showthread.php?t=530902

التقرير الثاني إلى Spain
https://forum.uaewomen.net/showthread.php?t=533048

التقرير الثالث إلى Paris
https://forum.uaewomen.net/showthread.php?t=536607

التقرير الرابع إلى Hyderabad
https://forum.uaewomen.net/showthread.php?t=553206

التقرير الخامس إلى Australia
https://forum.uaewomen.net/showthread.php?t=558079

– – –

نبدأ التقرير بسم الله

Summer 2024

Sixth Trip

New Zealand

City : Auckland

كنا في Australia في Melbourn وMt.Buller بالتحديد .. اسبوع تزلج عالثلج كان وايد حلو والحمدلله
ومنها انطلقنا من مطار Melbourn إلى مطار Auckland على متن طيران الامارات برحلة تقريبا 3 ساعات

وصلنا بالسلامه والحمدلله .. طبعا كنا حاجزين الفندق مسبقاً وكانت الرحلة 12 يوم

وعلى طول مع سيارات طيران الامارات من باب المطار إلى باب الفندق .. وكان الفندق يبعد عن المطار تقريبا نص ساعة .. طبعا الوقت اللي دايما انحب نوصل فيها في أكثر سفراتنا "النهار"

والفندق اللي سكنا فيه .. طبعا كونا عائلة مكونة من 5 كبار و3 صغار .. فخذنا هالفندق على نظام شقق فندقية
فندق Waldorf هالسلسلة موجوده في استراليا في المدن التالية "سدني، كانبيرا، بيرث"
وفي نيوزيلندا في اوكلاند

والفندق موقعه على الـBeach Road
وقريب من Quay Street الموازي للبحر والميناء
وقريب من Queen Street شارع الماركات والسوق
وقريب من الفندق 3 أو 4 حدايق ممكن تروحولهم مشي أو بالباص دقايق
وأهم شي .. تنزلون من الفندق مسافة دقيقتين بس في مركز كبير اسمه Food ما ادري شو نسيت .. المهم وايد اوكي فيه كل شي عشان تشترون وتطبخون
وفي سوبرماركت بعد قريب اسمه Asian Supermarket اتحصلون عندهم الصوص والفلفل والبهارات والاجارات وهالسوالف "بس نحن ما نستغنى عن بهاراتنا ولازم انشلها ويانا"
الفندق فئة 4.5 نجوم
نحن خذنا شقتين كل شقة فيها غرفتين نوم وصالة وحمام ومطبخ
توزعنا ،، بابا وماما والثلاثة الصغار في شقة .. والشقة الثانية عدالهم ،، انا واخواني الشباب اثنين وكل واحد غرفة .. وكان مقر التجمع في شقة بابا اكيد .. لأنه الطبيخ عند ماما << اهم مافي السالفة ههههههه
الفندق يديد ونظيف وايد ونحن يلسنا فيه 11 ليلة والروم سيرفر وايد اوكي
طبعا الشقة فيها كل شي تحتاجونه
أسعاره جداً ممتازه .. وأسعار خاصة للي يحجز أسبوع وأكثر .. اتصدقون انه نحن حصلنا الليلة بـ300 درهم للشقة الوحدة .. يعني شي ما يتخيل وما اتحصلون أي مكان

وانصح كل حد يسكن في هالفندق .. وعلى فكرة وايد عرب كانوا ساكنين فيه .. وأكثرهم كانوا كويتيين

والأسعار في نيوزيلندا بشكل عام أرخص شوي عن ختها استراليا وعن اوروبا اكيد

عملتهم دولار نيوزيلندي

وهذي واجهة الفندق أول ما وصلنا

وطبعا كالعاده ما صورت الشقة صور فوتوغرافيه .. لأنه اخوي يصور فيديو فنكتفي بهالفيديو يكون تصوير الشقة بحركة احلى

بس لاحظوا في كل تقارير ما اصور الفنادق .. ما ادري ليش انسى ..

بس ان شاء الله السفرات اليايه لازم بصور عشان احطلكم

طبعا ريحنا وخذنا شاور وردينا طلعنا نتعشى .. اتمشينا في Queen Street واتعشينا في ماكدونالد "طلب الصغاريه في كل سفره" وردينا الشقة ورقدنا

ثاني يوم الصبح نشينا واتريقنا وظهرنا نتمشى على ريولنا وسرنا صوب Quay Street الموازي للبحر .. وهاي مناظر في الطريق

هذا الـFerry Bilding

من زاوية ثانية

ونسيت اخبركم عن الجو .. الجو كان وااااااااااااااااااايد بارد .. وابرد عن Melbourn في استراليا .. لكن في النهار الشمس ساطعه وهذا أكثر شي حبيته .. لأنه الصور تطلع واااااااااااو

تمينا نمشي ونمشي ونمشي .. وصلنا قريب المينا
طبعا المينا مقسم إلى قسمين قسم سياحي مراكب للسياح وللسفر
وقسم لسفن شحن البضائع
ولا تنسون انه نيوزيلندا وحيدة في البحر ومالها حدود مع أي دولة ثانية .. فمن جي وايد عندها نشاط شحن البضائع عن طريق السفن بالبحر

شفنا في المرسى سفينة كبيرة للمسافرين من نيوزيلندا إلى أمريكا .. متخيلين كم بتكون كبيره وكم بتشل سياح وكم يوم بتسير في البحر .. بابا قالي هاي عادي اتم 6 شهور في البحر لين توصل إمريكا .. انا ما صدقته لكن احتمال يكون هالشي صحيح .. يعني سفينة كبيرة ما تسرع وايد وتآخذ وقت ونيوزيلندا ويييييييين وامريكيا وييييييين

شوفوا السفينة

المسافرين على متنها وبانتظار تحرك السفينة
لاحظوا كم طابق من الدرايش
ولاحظوا الناس فوق باللون الأسود اتشوفونهم ؟!!
كانوا يبانون شرات النمل من كثرهم وهذيل اللي فالسطح .. الله العالم كم واحد داخل في الحجر
هني تندمت اني ما شليت عدستي الزوم "كنت بصور الناس اللي فوق"

نحن بعد وقفنا نتريا متى تتحرك السفينه،، وتلفتنا يمين،، مراكب ثانية للسياح

لفينا ورا عكس المينا،، مباني المدينة الجميله

واخيرا طوووووووووووووووووووووووووووووووو << صوت صفارة تحرك السفينة
زغنا الصراحه من قوة الصوت .. بس بشوققكم وما بنزل صور السفينة من بعد ما اتحركت عن مرساها ..

وان شاء الله في المرة اليايه برجعلكم بالتكملة

وين وصلنا

وصلنا عند طوووووووووووووووووووووووووووو

واتحركت السفينة بالرجوع إلى الخلف من مرساها ،، عشان تلف يمين وتبحر

لفت يمين وخذت وضعية الاستعداد والحين تنطلق .. وعلى فكرة يمكن خذت ثلث ساعة بس عشان تحرك من المرسى وتآخذ هالوضعية

وغابت السفينة عن الأنظار
تلفتنا حولينا بنكمل مشي .. وشفت هالكلب الـcute وصورته

مشينا شوي وصلنا صوب السوق وهذا مجسم لحيوان الكيوي "حيوان معروف في نيوزيلندا"
وبخبركم عن هالحيوان عقب في زيارتنا لحديقة الحيوان ان شاء الله

وهني بدت الدنيا اتظلم "المغرب"
وبدت انوار البنايات تشتغل
ومنظر جميل

طبعا معروف عندهم Sky Tower وهذا جزء منه .. صورته من بعيد .. بتستغربون انه ما سرناله مع انه مافي حد ما يسير نيوزيلندا الا ولازم يسيرله

ولفينا البقعة شوي "وكانت الوجهة لنيوزيلندا بقصد الراحه والمشي وانشم هوا"
واتعشينا عند واحد تركي ..
وعلى فكرة اتحصلون في نيوزيلندا اماكن يبيعون دياي حلال سواء مطاعم او اذا حابين تطبخون
اتعشينا دياي عند التركي .. وردينا سكننا .. وكالعاده نرجع عالساعة 9 ولا 10 وكل واحد وشغله يا يرقد يا playstation ولا psp ولا Tv ولا ipod ولا laptop ولا افلام ولا سوالف وضحك ..
انا عن نفسي يلست في البلكونه لابسه بلوفرين + كوت ثجيل ورقدت عالكرسي خخخخخخ

خلص اليوم هذا ولنا لقاء في اليوم الثاني ان شاء الله مع مغامره يديده