الوسم: الماستر

مشكورات مقدماً

وشحالكوووو حريم وبنات؟؟؟
ربكو الا بخير وسهاله

حبيت اسولف وياكوو عن طموحكوو
ونشجع بعض على الدراسات العليا
ونتبادل الخبرات ااذا وجدت

فاللي مفكرة تاخذ ماستر شو التخصص اللي تبين تدرسينه ؟؟؟؟ ووين ناوية ان شاءالله تكملين؟؟

واللي عندها ماستر … شو درستي ؟؟ وكيف كانت الدراسة ؟؟ خبرينا عن تجربتك والصعوبات اللي واجهتيها ؟؟ ونصايحج؟؟؟ وين دراستج كانت؟

الموضوع هذا تشجيع لبعضنا البعض

انا ناوية اخذ ماستر بس مب الحينه .. ابا اول شي اكون عمري واشتغل واخذ خبرة خلاف ادرس ماستر…
وبغيت ادرس شي له علاقة بتخصصي (التربية)
والله يوفقنا جميعا

ربي يحقق اللي في بالي وبال اليميع يارب

المشاركة الأصلية كتبت بواسطة الروح }–

انا بعد ان شالله خلال هال3 سنوات ع المدى القصير افكر بعد ما اخذ الباجلر .. لان بعد باجي لي سنتين ..
وناوية اكمل دراسة برع البلاد التخصص ان شالله بيكون له علاقة في الاعلام يا علاقات عامة او سياحة

ربي يحقق اللي في بالي وبال اليميع يارب

مرحبا ختي الروح
حلو تخصصج الصراحه
الله يوفقج يارب في دراستج وتاخذين باجلر وعقب ماستر

انا فخاطري اخذ ماستر برا البلاد ( بريطانيا) احس انه صدق دراسة وشهادة غير يوم تاخذينها برا
بس صعب اخاف من الغربه لووووووول << حليلج ههههه

ومشكورة عالرد غناتي

الغربة تخوف بس تعلم وايد وانا ابي اجربها الصراحة <<< هذيل الناس اللي يحبون الدرب الوعر هههههه

المشاركة الأصلية كتبت بواسطة الروح }–

التخصص اكيد حلو ولي ميول كبير اتجاهه واحس اني بعطي وايد
تدرين الكل يقولي روحي بريطانيا وانا مادري ليش هالبلاد ماادانيها في عيشة الله موول ما احبها او فكرتها هههه
بس اكيد اذا ع شهادة بريطانيا بصراحة قووو قووو ومحد يعرف جيمتها الا الغرب !!!

الغربة تخوف بس تعلم وايد وانا ابي اجربها الصراحة <<< هذيل الناس اللي يحبون الدرب الوعر هههههه

ما يندرابج باجر بتمدحينها ههههههه اخافج من تسافريلها ما تبين تردين ياي
زينه بريطانيا >>> تفكر فالشوبينج لووول
منه دراسة ومنه سياحه
يالله الله يوفقج في دراستج سواء هني ولا برا

ويوفقج اختي في حياتج

مبروووووووووك لي ولكم التخرج من الباجلر.. طلع عيونكم صح؟ هههه عادي عادي.. هذي ضريبة التفوق والطمووووووووح الرائع..!! وألحين ع وين العزم؟؟ وين ناوين اتكملون ماستر؟؟
البنات اللي سجلوا في الماستر يخبرونا.. واللي بعدها مترددة تفضفض لنا هنيه.. خلونا نتساعد ونشجع بعض..
انا عن نفسي.. الاسبوع الياي باخذ لفة ع جامعات بوظبي وزايد وخليفة.. ابا اعرف بالضبط طريقة التسجيل للماستر.. وهل التخصصات الموجودة ع المواقع الالكترونية هي بس الموجودة؟

و عقبال الدكتوراة ان شاء الله

كليات التقنية حتى عندها ماستر اللي اعرفه عندها IT و MBA

مب متاكدة اذا متوفر عندهم تخصصات ثانية ..!

المشاركة الأصلية كتبت بواسطة hope09

مبرووووك الغلا …

و عقبال الدكتوراة ان شاء الله

كليات التقنية حتى عندها ماستر اللي اعرفه عندها IT و MBA

مب متاكدة اذا متوفر عندهم تخصصات ثانية ..!

آميييييييييييييين يارب.. ال MBA حلو بس فيه تشبع منه.. وال IT مافكر فيه وايد..
خاطري بشي فيه حماس أكثر !! ^^

المشاركة الأصلية كتبت بواسطة @مبدعه@

الف مبرووووووووووووووك عالتخرج لكل الخريجات وبالتوفيق ان شاء الله

يبارك بعمررررررررررررررررج حياتي ^^

HR حلو واتوقع جامعة ابوظبي تطرحه ،،

كل التوفيق إن شاء الله ومنها للأعالي ، ^_^

بس ما خبرتيني وين ودرسي الباجلور في الكلية لانني حابه اكمل الباجلور في التقنيه كيف كم مرة في الاسبوع وكل يوم دوام كامل ولا كيف …؟؟؟

معليه تعبتج

خواتي بسألكم عن دراسة الماستر في جامعة زايد هل الدراسة قوية وشهادتهم قوية؟ ومنو أقوى هم والا جامعة ابوظبي؟ وهل يراعون الطلاب بالنسبة للغياب؟ ومنو دراسته أصعب الماستر في زايد والا في بوظبي؟

بانتظار ردودكم

شحالكم عساكم ع القوه ..

خواتي انا بدخل في الموضوع ع طول .. انا خاطري أكمل ماستر .." في بوظبي"
انا عندي لغه .. ومعدلي في الباجلر كان امتياز ولله الحمد (من جامعة زايد) .. بس المشكله تخصصي .. نظم معلومات .. وخاطري أكمل MBA

انا متزوجه .. و أشتغل و عندي عيال .. سويت سيرج لين نقعت فيوزات راسي ..

1. جامعة زايد " خاطري فيها .. دوامها ع الويكند .. ودراستها ممتازه .. بس خايفه انها تكون صعبه وتاخذ واااااااااااااااااايد من وقتي و ما يتساهلون معاي ..
والشئ الثاني انها شوي غاليه .. 128000

2. جامعة بوظبي .. سعرها زين .. سمعتها زينه .. والدوام بس يقهر من 5 لين 10 .. انا يخلص دوامي 3:30 .. متى برد البيت و بشوف اليهال

3. جامعة الحصن مالها سمعة و غاليه

4. جامعة الصربون : ماشئ MBA

المهم انا اللي الحينه خايفه منه انهم يخلوني آخذ كورسات في البزنس لانه تخصصي ما يخصه في البزنس .. ف أريد أول شئ شوركم .. و آرائكم .. و كل وحده من واقع تجربتها تنصحني وين أسجل خصوصا انه ماشئ وقت

و شي بعد اون لاين و شي بعد جامعات بس اتروحين تمتحنين

ف ماا ادري

شووفي البنات ان شاء الله عاد يمرن و يردن^_^

الله يووفقج

انا تخصصي نفس تخصصج وبكمل الماستر في جامعة بوظبي تخصص بيزنس ..
اخترت جامعة بوظبي لان اسعارها مناسبة .. ودراستها وايد سهلة قالولي ..

بنات حابه اطور من نفسي فى مجال وظيفتى معاى بكالوريوس علوم إنسانية وإجتماعية وحابه أخذ ماستر ولكن فى البداية اللغة الإنجليزيه مش قويه فيها ممكن تعطونى تجاربكم لو حابه أخذ ماستر فى غير تخصصي مثلا او اسم جامعه انتسب لها اطور لغتى وقى نفس الوقت أدرس وشوه التخصصات الماستر المطلوبه الحين ياريت ماتبخلون على لانى محتاره وحابه أطور وأغير من نفسي ولكن مب عارفه من وين ابتدي… حابه الجامعه تكون بدبي او عجمان او الشارقه أبغى ابتدى من البداية اشغل نفسي واطورها

حبيت استفيد من خبراتكن يزاكن الله خير
انا خريجة من جامعة الامارات وشهادتيه مر عليها اكثر من عشر سنوات وحبيت اكمل حاليا الماجستير ولكن اكتشفت ان الجامعات ماتقبل اقل عن 2 كمعدل تراكمي للالتحاق بالماجستير
هل كل جامعاتنا شروطها جي والا عندنا جامعات ثانية عادي عندها يكون المعدل اقل عن 2
فزعتكن يا الغاليات ويزاكن الله خير

في جامعات امريكيه وكنديه واستراليه ممكن تنتسبين لهم في دبي وعجمان وابوظبي والشارقه بعد ….والحضور مره في الاسبوع!

المشاركة الأصلية كتبت بواسطة ام عنوده

الله يوفقج وتلاقين حل اتصلي على الوزاره اساليهم

ان شا الله مشكورة للرد الغالية

خواتي

شو الاجراءات اللي لازم اسويها يوم ابغي اسوي الماستر كارد؟
وكم لازم اضيف في البطاقة؟