انا يا خواتي احس بشعور اني حياتي انتهت احس بالوحده احس غير احس مالي هدف
مليت ما احب اطلع احب ايلس بروحي احس بخوف مع اي حد
ماعرف كيف اغير حياتي
انا من النوع اللي يداوم على الاستغفار والقران بس احس بضيح و صياح
ادعوووولي بنات
يآ الله / الله يرفج هممج وغممج ^^
الله يسلمج الغاليه اول شي حطي ف بالج انج انتي مب متضايقه ومب وحيده وعكس كل شعور تحسين فيه وحاولي قد ما تقدرين انه تظهر هالرمسه من قلبج .. ولا اتمين يالسه بروحج من تحسين بضيق .. سيري يلسي ويا اي حد او سوي اي شي حتى لو تناقزين واذا ما لقيتي فايده .. كلي شوكولاته لانها ترفع هرمون السعاده
انا عن نفسي اسوي جي وتطير الضيقه بإذن الله وارد طبيعيه
الله يفرج همج واييسر امووورج
التحقي بنادي رياضي
حاولي تغيرين في شكلك مثلا سوي قصة شعر جديدة اوصبغي شعرك عشان تحسين بتغير
حاولي تدورين هواية مثلا القراءة
في كتب تنمية وتطوير الذات ممكن تساعدك في كتب دينية حلوة مثلا كتاب لا تحزن لعائض القرني
كتاب جدد حياتك لامام الغزالي
حاولي تتدورين شغل لو بسيط لو في مجال
وحاولي تواظبين على قراءة القران بصورة تدبر
يعني انشغلي بالعبادة وتفكري فيها واشتري كتب عنها