بنات انا اعرف وحده مريضة بالقولون العصبي .. ويحليلها تعالجت وايد وسافرت بس كله يقولون لها ماشي علاج .. بنوتات انا اللي اعرفه انه مرض نفسي ؟؟ ما اعرف اذا انا غلطانة ولا لا .. المهم هي يحليلها تعبت وتقولي حوور حتى الاكل هب قادره اكل كله تحس انها شبعانة.. وانه بطنها منتفخ .. ومرات تتعب بدرجة تحس انها خلاص بتموت ويرقدونها كم يوم ويظهرونها .. اعرف اني طولت عليكم .. المهم هي قالت لي انها سمعت عن حبوب اسمها لايبركس .. وانها مفيدة للقولون .. فبغيت اعرف اذا حد سمع عنها او جربها .. وهي تبغي مشهي للاكل .. فاذا حد يعرف نوع اوكي ممكن تساعدوني .. ولكم الاجر ان شاء الله .. وياريت تدعون لها لان صدج حالتها صعبة …
حووور_دبي 
انا اختي عندها القولون .. الدكتور قال لها علاجها اول شي الراحة النفسية لازم ما تزعل وتعصب وبعدين شي بعض الاكلات لازم تبعد عنه مثل البقول ..اختي بين فترة وفترة تسير عند دكتور اسمه محمد النونو في برج الدرة عالكورنيش بالشارجة.. تقول تحسنت نوعا ما..
وراحه نفسيه
المشاركة الأصلية كتبت بواسطة ***ايمان*** 
انا اختي عندها القولون .. الدكتور قال لها علاجها اول شي الراحة النفسية لازم ما تزعل وتعصب وبعدين شي بعض الاكلات لازم تبعد عنه مثل البقول ..اختي بين فترة وفترة تسير عند دكتور اسمه محمد النونو في برج الدرة عالكورنيش بالشارجة.. تقول تحسنت نوعا ما..
الله يشافي اختج .. والله يا اختي بالنسبة للراحة النفسية ما اعتقد لان البنيه تمر بظروف نفسية صعبة .. وعندها مشاكل عائلية مستمرة من كم سنة وما اعتقد تنحل .. عيزت وانا اقول لها .. لا تضيجي بعمرج .. ان شاء الله بخبرها عن الدكتور .. والله يشافي جميع المسلمين ..
حووور_دبي
المشاركة الأصلية كتبت بواسطة عجيد اليوازي وراحه نفسيه
الله يشافيج اختي .. هي تتعالج عند دكتور بالعين وو صف لها جدول بالاكل اللي تاكله واللي تمتنع عنه.. بس هي من الاساس نادر ما تاكل .. شو اسويبها ما اعرف ..
حووور_دبي
وهو مرض مزمن.. مافي حل جذري له
الا بمشيئة الله… اهم شي الراحه النفسيه
والابتعاد عن الضغوط ( ولا في الخيال!!)
الابتعاد عن البقوليات البهارات واللبن والحليب
والخميره(كلها تسبب انتفاخ) وتحاول تاكل كل يوم
برتقاله لانها تهدي الاعصاب,,,
والله يخفف عنها ويشفيها وجميع مرضى المسلمين.