كيف حالكن خواتي، كل عام وأنتن بخير وسهاله،،،
أنا متابعة من بعيد، لكن صاراليوم اكون معاكن، وأتمنى تفيدوني من خبرتكن، وتجاربكن، ربي لا يحرمكن الأجر.
هل اختلاف المستوى الاجتماعي بين الزوجين، بمعنى أن الزوج مستواه الاجتماعي أقل من الزوجة،
هل يؤثر هذا على العلاقة بينهم فيما بعد، وهل يؤثر ذلك على الأولاد.
وكيف تشعر الزوجة في محيطها الاجتماعي الجديد!
يا ليت من اللي عايشات نفس الوضع، ابداء الرأي والمشورة.
بارك الله فيكن، وربي يحفظكن
انا الحمد لله قنوعه و ممكن اتعايش مع الوضع لاني احب البساطه
قبل كنت اخاف بس الحين يوم اني اشتغل احس ما بتأثر ان شاء الله
بس بعد ابا اعرف و اقرا آراء و تجارب المعرســـات
نقطه مهمه
اشكرج اختي عالطرح
يباله وحده عندها قدره على التاقلم …. بس اذا حصلتي فرصه انج تاخذين واحد من مستواج او يقارب فبيكون افضلج …
المشاركة الأصلية كتبت بواسطة Miss.Feminine 
انا الحمد لله قنوعه و ممكن اتعايش مع الوضع لاني احب البساطه
قبل كنت اخاف بس الحين يوم اني اشتغل احس ما بتأثر ان شاء الله
بس بعد ابا اعرف و اقرا آراء و تجارب المعرســـات
نقطه مهمه
اشكرج اختي عالطرح
مشكورة الغالية على سرعة الرد ، والمؤازرة في معرفة النتيجة، المشكلة إن الاحساس القبلي (قبل التجربة) قد يختلف مع التجربة، الله أعلم، والخوف يأتي من هنا !!
وننتظر أخواتنا المجربات..
أعطر تحية لكِ أخيتي
المشاركة الأصلية كتبت بواسطة كنه الشامسي يباله وحده عندها قدره على التاقلم …. بس اذا حصلتي فرصه انج تاخذين واحد من مستواج او يقارب فبيكون افضلج …
حيا الله الغالية كنة، الله يكون في عونج، ويسعدج ويهنيج، ويقومج بالسلامة.
(ما تبدي بيزاتها على بيزاته …) ما أدري ما فهمت هالجملة شو تقصدين فيها؟
وكم صار لج متزوجة، ومن متى حسيتِ أنه ما في تأقلم بينج وبينه إذا ما عندج مانع طبعا في الرد!!؟
وشو مبررات انه الوحدة تاخذ واحد اقل منها من وجهة نظرج؟
والسموحة منج شكلي ثقلت عليج، ربي يحفظج ويسر امرج.
والحمدلله يعني حالتنا الاقتصاديه زينه ..
بس من الحين ريلي يقول لي لا تشتغلين …اونه انا الريال الحرمه شغلها تيلس في البيت
علما اني دارسه اكثر منه <<< هو يتحراني بستلم راتب اكثر عنه من جي >>>وانا حلمي اني اشتغل مو علشان شي بس اني اساعده واساعد عيالي… بس الحمدلله
المشاركة الأصلية كتبت بواسطة VistA وننتظر أخواتنا المجربات..
أعطر تحية لكِ أخيتي
اشكرج الغلا ^_^
انا يمكن اكون مسرفه لكن مب على نفسي
دوم ابخل على نفسي و ابدي غيري سواء امي ابوي اخواني
طلعاتي مع بنات عمي ما احب اخليهن يدفعن انا بدفع
و لو خذت لنفسي شي لا تقارنينه باللي اخذه لغيري
لكن ما احب احس اني مقيده
و انا استحي من ابويه يوم كنت ادرس و اخلي امايه تطلب عني
فما بالج لو تزوجت كيف بطلب من ريلي .. الحمد لله من اشتغلت احس بالحريه
و ما احاتي حتى و ان كنت ما اخذ لنفسي وايد اشيا تخيلي
يعني اطلع اروح المول برجع لي بشي شيين حقي و الباقي لاختي اخوي امي عيال خالتي الصغار
يعني هم ما طلبو شي بس انا جيه طبعي جيه
لو شفت ساعه عيبتني ب 3000 و لا 4000 بستخسرها فيني
لكن شريتها لامي
امايه و ابويه دوم يواقعوني و ينبهوني بس انا ماقدر
امايه جيه و ابويه جيه اصلا احسه في دمنا هههههههههه
فعشان جيه اقولج انا عادي ممكن اتقبل و الاحسن اني اكمل و ما اطلع من الشغل لو تزوجت
^_^
لانه الماده مب هي مصدر السعاده
اهم شي انه يكون كريم حتى و لو ما عنده ما بثقل عليه لكن يكفيني انه يحسسني انه لو عنده بيسوي و بيفعل و لو ما يقدر مجرد احساس
^_^