حبيت استفسر منكم خواتي عن مدرسة الشارقة الأمريكية إذا حد عياله هناك أو عنده فكره عن المدرسة والرسوم؟؟؟؟؟
مشكورين مقدماً
ان شاء الله البنات يفيدونج
ما مدحوهاا و قالوا عنها انها خرطي و اهمال و تسيب و ماديين بشكل بحت. و الشرح مو ذاك الزود علشان الطالب يسجل في دروس التقويه اللي تنظمها المدرسه.
ام اخرى قالت؛ الامريكيه عدال بيتي يعني لو افر حصاه بتطيح داخل المدرسه بس وايد ناس يشتكون منها و بصراحه اشكال الطلاب ابدا ما تشجع… لا تفهموني غلط بس شكلهم عرب و مب عرب و البناطلين لوو ويست و الشعر سالفه و الحاله فظيعه و دايما اشوفهم عند الدكان يدخنون علشان جذه بصراحه ما دخلت عيالي فيها.
ام مدحت المدرسة وقالت:: سجلت بنتي في مدرسة الشارقة الأمريكية الدولية و الصراحة ارتحت وايد للمدرسة و دخلت الصفوف و شفت مكان اللعب و كانت هناك مدرسة تدرس كيجي ون و دخلت بنتي مع أطفال و شاركت بنتي وياهم و الصراحة بنتي ارتحات و بعدين سجلت بنتي للسنة الياية كيجي ون بعد ما ارتحت للمدرسة و المدرسات بريطانيات و هناك اهتمام