وبدا مشوار الأمومة المحفوف بكل المشاعر الحلوة
تعالوا انعيش تجاربنا ونتبادل خبراتنا من خلال تجمعنا في قسم الامومة والطفولة ..
مبروك لكل الي ربن ومبروك عليكن افتتاح موضوع يديد وتجمع يديد.. يعله تجمع خير يارب…
… ياليت كل وحده تذكرنا ب:
تاريخ الوﻻدة:
جنس المولود:
اسم المولود:
بالنسبة لي
تاريخ الوﻻدة: 24 ثمانيه 2024
جنس المولود: انثى
اسم المولود: اليازية
خبرونا عن يومياتكن… انا اليوم باذن الله رايحة المستشفى بنتي عندها موعد… وانتن؟
تاريخ الوﻻدة:10/6/2016
جنس المولود:ولد
اسم المولود:احمد
عمره الحين سنتين وثلاث شهور تقريبا ..
الله يطرح في البركة يارب … ويسعده دنيا واخره
مرحبا ، ان شا الله نفيد ونستفيد من بعض
تاريخ الوﻻدة: 21-7-2016
جنس المولود: انثى
اسم المولود: سلامة
من يومين وديتها عند دكتور الاطفال ، عيونها كانت ملتهبة ، تغمص وااايد ، عطوها قطور مضاد حيوي
اسير عنها الدوام وأرجع 12 ونص ، اخليها عند البشكارة وعمتي ، ويتلعوزون وياها حزة الرضاعة ، ما اطيع ترضع بالمرضعة 
، يبالها محاولات
اعطيها حليب نان ، كنت اعطيها ابتاميل بس حسيته ثجيل عليها وكانت ترجعه وخلاف اترجع حليبي
اخوها الصغير يحبها وايد بس مرات احسه يستهبل ، يلعوزها بس من تحت لي تحت (وانتو شو عيالكم الكبار مع البيبيز)
تولهت عليكن واااايد
الله يوفقكم
المشاركة الأصلية كتبت بواسطة بنت غافان 
مرحبا ، ان شا الله نفيد ونستفيد من بعض
تاريخ الوﻻدة: 21-7-2016
جنس المولود: انثى
اسم المولود: سلامة
من يومين وديتها عند دكتور الاطفال ، عيونها كانت ملتهبة ، تغمص وااايد ، عطوها قطور مضاد حيوي
اسير عنها الدوام وأرجع 12 ونص ، اخليها عند البشكارة وعمتي ، ويتلعوزون وياها حزة الرضاعة ، ما اطيع ترضع بالمرضعة ، يبالها محاولات
اعطيها حليب نان ، كنت اعطيها ابتاميل بس حسيته ثجيل عليها وكانت ترجعه وخلاف اترجع حليبي
اخوها الصغير يحبها وايد بس مرات احسه يستهبل ، يلعوزها بس من تحت لي تحت (وانتو شو عيالكم الكبار مع البيبيز)
تولهت عليكن واااايد
انا معلوومات بنتي نفسج ههههه..
تاريخ الولادة : 21_7_2016
الجنس : انثى
الاسم : سلامة
اس26 .. بس بالغصب تمسك المرضعه يوم تفقد الامل هههه..
هاليومين مزجمه وخايفه عليها كل شوي احطلها قطرة ف حشمها
وانظفلها اياه..
وبالنسبه لاخوانها الحمدلله مايغارون منها واذا سمعوها تصيح
ينادوني ع طول بس يوم يبوسونها او يلاعبونها احسهم يضايقوونها
ههههه مايعرفون لليهال واايد