التحسس من الحليب الاصطناعي

االسلام عليكم خواتي .. شواخباركم مع الحليب الاصطناعي
أنا ولدي كان فيه اسهال فقالي الدكتور استخدم الحليب اللي من شركة ميلوبا مال التركيبه الخاصه للاسهال بس ولدي ما تقبله عقب قالتلي الدكتوره استخدمي الحليب الخالي من اللكتوز من نفس الشركه بس لما عطيته ظهر له حبوب في بطنه وظهره وفي راسه اكثر .. بغيت اعرف هل اذا كان متحسس من الحليب تظهر له هاي الحبوب والا ماله علاقه واكمل عادي .. واللي ولدها تحسس من الحليب تخبرني شو استوا له عسب استفيد .. واللي يعرف شو يعني الحليب الخالي من اللكتوز بعد يخبرني .. وسلامتكم

اختي …
ما ادري من اي امارة اننتي ؟ بس المفروض تسويله فحص دم عشان التحسس ؟
فتعرفين عقبها شو انسب لها
نحن عندنا في مستشفى توام تقدرين تسوين هالفحص
بس اسألي الدكتور اللي عندكم او المختبر وبالتوفيق

up

up

up

مشكوره اختي روح البدر أنا من امارة الشارقه … بحاول اروح المستشفى عشان التحليل وبشوف شو يقولون
ومشكوره اختيamo -ora على رفع الموضوع

وينكم بغيت استفيد من خبراتكم يا حريم

هلا اختي الريم :الي اعرفه انه هذا الحليب بس لحالات الاسهال لفترة اسبوع و تستمري بالحليب العادي بعدين
الاكتوز عبارة عن سكر و في حليب خالي منه علشان الاسهال ما يسبب جفاف حق الياهل

مشكوره اختي WADIA على الرد بس الدكتوره قالت عادي كملي معاه انا افكر اكمل لين تخلص العلبه