اسعد الله اوقـاتكم جميعاً .
حّابه اخبركم عن سالفتي ،
أنا توني من سنه متخرجه من المدرسه ،
ايـام المدرسه كنت مـاخذه الحياه ب لعب . .
أو بالأحرى ما كان يهمني شي و كنت غافله ،
كـل يوم اغاني و سوالف و حش و القصه برع و عادي لاصلاه و لا عبادة
لكن ف يوم فكرت فالدين و فالآخره . .
و الحمدلله بديت اتمسك فالصلاه شوي شوي يعني كنت اصلي الفروض كلها وما اطلع شعري يوم اطلع من البيت
عقبها ب فتره بديت اقرا القرءان يومياً ، و الاغاني تركتهم للأبد
و قمت اقرى عن الدين وايد ، و احب اتثقف في كل شي يخص الدين
بالأحرى تغيرت 180 درجه . .
قمت اشوف كل شي فالحياه من زاوية و منظور ديني
لكن المشكله الحين ،
أن ربيعاتي اللي تمو وياي سنين تركتهم
حتى اهلي ، احسهم يوم يشوفوني متمسكه بالدين و اشوف كل شي من ناحية الحلال و الحرام يضحكون
قمت ما احب اسير المولات وايد ، ولا الاعراس اللي فيها اغاني و لا احب ايلس ويا البنات لان سوالفهم اكثرها حش و أكل لحوم الناس . .
لدرجة ان مره وحده من البنات قالتلي بلاج تسوين روحج مثاليه و جنه عمرج 80 سنه !
معني الحمدلله مهتمه ب شكلي و عمري و جمالي ، لكني ما احط مكيـاج الا فالمناسبات
و الحين مفكره اتغشى أو أتنقب ، لكنّي خايفه من رمستهم ومن نظرتهم السلبيه لي !
،
ما اعرف شو رايكم في مَوضوعي ؟
هـل انا غلطانه ! ، او إني متشدده فالدين ؟
أو ان لازم أخف شويه . .
أحس إني وحيدة ، و البنات اللي كبري يشوفوني معقدة و مب عايشه حياتي
لكني راضيه عن نفسي ، بس مـا ادري 
– يزآكم الله خير . 
على شخصيتج اليديده عسب انهم متعودين
على شخصيتج القديمة وشوي شوي بيعرفون طبعج
اليديد وبراعون أسلوبج واهممم شي من كل هاا
رضا ربج مب رضا الناس اللي حولج
والدليل انج تهتمين لكلام الناس
اتصور انك مب صغيره ولاكبيره يعني التجربه في الحياة تنقص
عشان جي تشوفين الناس مستخفه بوضعك
الاعتقاد يقول ان الانسان الكبير هو يفكر جي
ونسوا ان في ناس عاقله وشباب فاهمه الدنيا
وعقلها يوزن بلد
وفي انسان عود بس مستهتر
فانتي راجعي نفسك
شوفي بشو مقتنعه وبشو ممكن تاخذين مساحة حرية
يعني في ناس يشددون على نفوسهم ولي حواليهم
بس بعدين مايتحملون وغيرهم ينزعج
وهذا كله عشان تم بسبب عدم اقتناع او بصدمه
أكيد بيستغربون فالبداية لكن فالنهاية راح يتقبلون شخصيتج اليديدة
ربي يحفظج
فديتج انتي صح ميه بالميه سوي في دنياج لآخرتج وتأكدي من شي انه رب العالمين اذا احب انسان نادى على ملائكته انه يحب هالشخص وتحبه الناس ..
ادعي بهذا الدعاء اللهم اني اسألك رضاك وربي يوفقج حبيبتي صدق فرحتيني بهذا التغير عطيتيني أمل انه ممكن البنات يتغيرن للأحسن شراتج يزاج الله خير..
ممكن انتي بهاي الطريقه تكونين في تغير البنات للأحسن ..
وماعليج من رمسات الناس يقولج المومن كالقابض على الجمر في اخر الزمان بالتوفيج غلاي