شحالكم..؟؟
عساكم بخير وسهالة ..^^
اليوم بكتب لكم عن مشكلة بس ما تتعلق فيني تتعلق بشخص قريب مني لدرجة كبيييييرة
والمشكلة هي: الله يسلمكم في شخص متزوج من 12 سنة وحرمته من كملو سنة من زواجهم تقريبا يتها جلطة المهم هو اهتم فيها وما قصر والحين قبل سنتين تقريبا تزوج على حرمته كانت الحرمة الاولى زينة ومستانسة وكانت عادية بصراحة والحين من سنة يمكن انقلب كل شي ما تسير مكان الا تتكلم عن ريلها واهل ريلها وبالذات خواته ومن يدامهم تكون سمن على عسل (يعني مرة نفاق) والخوات طبعا ما كانوا يعرفون انها تتكلم عليهم الا من فترة قريبة المهم يعني استوت فظيعة ليش الله أعلم صح فيها حرة لان ريلها تزوج عليها بس الاهل ما يخصهم وهي يوم ريلها نزوج كانت راضية واهل ريلها كانوا معارضين والحين هذا يزاتهم والله كانو يحبونها نفس لختهم واكثر لكن الحين كل شي تغير يا ناس مستوية فظيعة والمشكلة تتكلم عليهم عند اقرب الناس لهم يعني هاذي ما تفكر ليش الناس جي مستوية ليش من الريال تزوج على حرمته الحرمة الاولى جي تستوي (طبعا الاغلبية جي) المهم خلوني اكمل لكم السالفة الحركة الثانية بعيدة عنهم وما سمعوا ولا جافوا منها الا كل خير وما تتكلم عن ريلها الا بكل خير ابدا ما تكلمت عنه بشر بذمتكم الريال بحب منو اكثر بعدين الريال شو ذنبه لا ذنب خواته الناس يكرهونهم ويقولون انهم عالة ع القلب والله انا اعرفهم ناس فيهم كل خير ليش الناس قلوبهم مليانة حقد الله المستعان وكل مرة تقول لهم ان شاء الله رياييلكم يتزوجون عليكم والله مب زين جي كله تقول انا 12 سنة مستحلمة وانا ما ااعرف شو والريال جي سوى وجي وسوى عيل ليش عايشة معاه خلاص اطلبي اللاق دامج جي كارهة حياتج والله انا كتب لكم وفي قلبي غصة ما تتصورونها والله حرام اللي قاعد يستوي والناس كله تحكم ع الريال انه مب زين ليش الناس عايشة معاهم والله مب زين جي والمهم والريال ابدا ما سمعنا منه اي شي والكلام كثير والله المستعان ما بطول عليكم والسمووحة وانتبهوا انا ما يبت الكلام من عندي انا قلت صاحب المشكلة شخص قريب مني لدرجة كبيييييييرة ..
الله يهديها , مثل ماتعرفين هو الشرع حلل أربع , لكن صعبه على الحرمه تتقبل الضره ( العديله )
دام انتي قريبه وايد من الشخص , صاحب المشكله , انصحيه انه يكون عادل بينهن , ولا يقصر عليهن في شي
الله يوفقه و يهدي زوجته الأوليه
قولي آمين
وحبيبتي الدنيا دين .. وكما تدين تدان ..
هي ترمس عن اهل ريلهآ .. باجر بيي حد وبيرمس عنهآ بعد ..
احتسبو الاجر من رب العالمين
رددو حسبي الله ونعم الوكيل .. وخلوهآ بحالهآ .. الله يهديهآ ويصلحهآ ~
اذا بنسمع الكلام وبنحطه في وسط قلوبنا اكييييد ولا محاال بنمرض
لكن اذا سمعنا وطنشان صدقيني بتستوي الحياااه عسل في عيوناا
ف انصح ربيعتج مادري اقرب الناس لج
انهاا ادخل من اذن واطلع من الاذن الثانيه وكان الله غفورا رحييييييم