من العنوان واضح الموضوع اللي ابي اسال عنه…….
كم مره سويتي العمليه؟؟؟
نجحت العمليه يعني حملتي؟؟؟؟
اي مره نجحت العمليه يعني من اول مره والا ثاني مره والا ثالث مره جذي؟؟؟؟
من سواها لج؟؟؟
كم كلفت العمليه؟؟؟
هل تنصحيني بدكتور معين؟؟؟؟
شنو اضرار العمليه؟؟؟؟
شسويتي يوم سويتي العمليه؟؟؟ يعني كملتي حياتج عادي والا لازم ترتاحين وماتتحركين؟؟؟؟
بنات امانه اللي عندها خبره لاتبخل علينا عل ربي يرزقها مرادها…وعل ربي يرزقني وكل محرومه الذريه الصالحه…..
حبيبتي لو اعرف جان قلت
بس حتى انا اريد اعرف مثلج
ودمتم سالمين
عزيزتي انا ماعرفت شنو تقصدين بالاخصاب
هو نفسه تلقيح صناعي
للرفع
انا ماجربت
بس بقولج اللي اعرفه
العملية غالبا ما تنجح من اول مرة تنجح فالثانية او الثالثة
و الدكتورة حسنية قرقاش شاطرة ما شا الله عليها فها العملية
ربي يرزقج الذرية الصالحة اختي
بس بقولج اللي اعرفه
العملية غالبا ما تنجح من اول مرة تنجح فالثانية او الثالثة
و الدكتورة حسنية قرقاش شاطرة ما شا الله عليها فها العملية
ربي يرزقج الذرية الصالحة اختي
المشاركة الأصلية كتبت بواسطة ام قدري 
عزيزتي انا ماعرفت شنو تقصدين بالاخصاب
هو نفسه تلقيح صناعي
اي اختي نفسه تلقيح صناعي….
بس مب اطفال انابيب….لا ياخذون الحيوانات المنويه مالت زوجي وييفرزون الزين منها والميته او المتشوهه يعقونها…ياخذون الحيه ويحطونها في رحمي…..
مرحبا أختي…
حبيت أفيدج بموضوع الإخصاب.. بس أنا مب عارفة انتي شو تقصدين بالضبط التلقيح الصناعي أو المجهري.. ع العموم بجاوب على أسألتج وللعلم عمليتي اسمها "التلقيح المجهري"
كم مره سويتي العمليه؟؟؟
سويتها مرة في مركز دبي للإخصاب "رجعت أجنة مجمدة"
نجحت العمليه يعني حملتي؟؟؟؟
الحمدلله على كل حاال.. ما نجحت من أول مرة، إن شاء الله برجع الأجنة للمرة الثانية الشهر الياي
اي مره نجحت العمليه يعني من اول مره والا ثاني مره والا ثالث مره جذي؟؟؟؟
من أول مرة ما نجحت، بس إن شاء الله المرة الثانية أحمل
من سواها لج؟؟؟
من البداية الدكتورة حسنية قرقاش وهي إلي سحبت البويضات بس الترجيع كان مع الدكتور محمد
كم كلفت العمليه؟؟؟
لين الحين بصراحة ويا الأدوية والكشوفات والعملية 26000
هل تنصحيني بدكتور معين؟؟؟؟
كل الدكاترة بهالمركز ما شاء الله اوكي وبنفس المستوى بس إذا تبين حرمة عندج الدكتورة حنا.. باكستانية
شنو اضرار العمليه؟؟؟؟
إذا زادوا جرعة التنشيط قبل ما يسحبون البويضات احتمال هالشي يسوي تضحم في المبايض أو تجمع سوائل في الجسم ويضطرون يؤجلون ترجيع الأجنة شهرين أو ثلاث
شسويتي يوم سويتي العمليه؟؟؟ يعني كملتي حياتج عادي والا لازم ترتاحين وماتتحركين؟؟؟؟
أول يومين ترتاحين شوي وتشربين وااايد سوائل وما تشلين أشياء ثقيلة وتكملين حياتج عادي والراحة الزايدة ما ينصحون فيها
حبيت أفيدج بموضوع الإخصاب.. بس أنا مب عارفة انتي شو تقصدين بالضبط التلقيح الصناعي أو المجهري.. ع العموم بجاوب على أسألتج وللعلم عمليتي اسمها "التلقيح المجهري"
كم مره سويتي العمليه؟؟؟
سويتها مرة في مركز دبي للإخصاب "رجعت أجنة مجمدة"
نجحت العمليه يعني حملتي؟؟؟؟
الحمدلله على كل حاال.. ما نجحت من أول مرة، إن شاء الله برجع الأجنة للمرة الثانية الشهر الياي
اي مره نجحت العمليه يعني من اول مره والا ثاني مره والا ثالث مره جذي؟؟؟؟
من أول مرة ما نجحت، بس إن شاء الله المرة الثانية أحمل
من سواها لج؟؟؟
من البداية الدكتورة حسنية قرقاش وهي إلي سحبت البويضات بس الترجيع كان مع الدكتور محمد
كم كلفت العمليه؟؟؟
لين الحين بصراحة ويا الأدوية والكشوفات والعملية 26000
هل تنصحيني بدكتور معين؟؟؟؟
كل الدكاترة بهالمركز ما شاء الله اوكي وبنفس المستوى بس إذا تبين حرمة عندج الدكتورة حنا.. باكستانية
شنو اضرار العمليه؟؟؟؟
إذا زادوا جرعة التنشيط قبل ما يسحبون البويضات احتمال هالشي يسوي تضحم في المبايض أو تجمع سوائل في الجسم ويضطرون يؤجلون ترجيع الأجنة شهرين أو ثلاث
شسويتي يوم سويتي العمليه؟؟؟ يعني كملتي حياتج عادي والا لازم ترتاحين وماتتحركين؟؟؟؟
أول يومين ترتاحين شوي وتشربين وااايد سوائل وما تشلين أشياء ثقيلة وتكملين حياتج عادي والراحة الزايدة ما ينصحون فيها
الله ييسر أمورج إن شاء الله ويرزقج بالذرية الصالحة ياااارب