شحالكم بناااااااااات
اناااا اشتركت اليوم في مركز VLCC في دبي على أمل أضعف … و حسيت اني تحمست و ان شالله يشجعوني هم على خسارة الوزن
بغيت أعرف اللي اشتركت عندهم أو جربتهم تخبرني عن تجربتها؟؟
و بكون شاكرة لكم
مابي احبطج .. لاكن ماياب معاي اي نتيجه … يمكن الي في دبي غير عن بوظبي الله اعلم
صراحه انا ما كان لي تجربة اشتراك وياهم بس ربيعاتي اشتركوا و ما مدحوهم ، بس مدحوا المساج مالهم
اول شي قالولي البرنامج كامل حوالي 22 ألف .. بلعت العافية ههههههههههاي قلتلها ما أقدر .. انا ميزانيتي محدودة وإمكانياتي ما تسمح قالت اوكي بعطيج شوي شوي … اول شي 5 كيلو و عقب 5 كيلو لين ما توصلين للوزن المطلوب .. قلتلها اوكي قلتها ميزانيتي من 2024 لين 3000 … اخر شي سوتلي 3600 … قالت بعطيج ضمان اذا طبقتي التعليمات اللي بنعطيج اياه كامل بتضمن اني اضعف من 5 ل 6 كيلو ف الشهر !!
مادري والله أنا أحس أقدر أضعف بروحي بس ناقصني التشجيع و هم أعتبرهم دافع للتشجيع والتحفيز لأنهم بيتابعون معاي أول بأول …
محتارة ساعدوني شو اسوي !!
نصيييييييييييحة لا تشتركين
بس المساج مالهم اوكيه غير جي مقصة
انا ما حبيت احبطج في البداية لاني كنت أظن انج اشتركتي وياهم
قبل 4 سنوات سرت لهم و سوولي فلم هندي ، و انتي عندج السمنة عالية و خطر عالحياة و لازم و لازم إاخ حسيت الدنيا سووووووووووووووودة و اتلف فيني و وقتها كنت ارضع و قالوا لي لاااااااااااااااااااااااااازم اتوقفين الرضاعة و اتنزلين وزنج لانه خطر
تخيلي كان وزني شي و سبعين يعني 20 كيلو زيادة عن الوزن الطبيعي تقريبا ، وكنت بشترك وياهم لكن استخرت و قلت لهم اني متردده ،قالوا بنعطيج جلسة مجانية عبارة عن ذبذبات اتكسر الدهون و النتيجة فورية بعد الجلسة و سويتها، مقصصصصصصصصة في الجلسة عرقت وااااااااااايد و بعد الجلسة نزلت 300 جرام !!!! يعني العرق الي نزلته، يوم قلت لها ها مب دهون ها عرق!!! قالوا لي لو مسوية رجيم و رياضة كان دهون !!!!!
زبدة القول انهم يقصون عالوحدة و يتنوعون في المقصة ، بفضل الله اولا و اخيرا ربيعتي نصحتني اني ما اسير لهم و اسير لدكتور تغذية و أكتفي بالمشي
و هذا الي صار ،رحت لدكتور تغذية و كان شرطي اني استمر بالرضاعة و ما شاء الله خلال 4 شهور نزلت 14 كيلو و كنت مستمرة في الرضاعة
يعني نصيحه لا تسيرين لهم و اشتركي في جيم و سيري لدكتور تغذية ابرك لج
و استخيري قبل ما تاخذين برايي ،لأن ما خاب من استخار
انا قلت بتبع ريجيم عذاري وبشوف بس ياختي مشكلتي وااايد أيوع … توني قلت ببدا ريجيم يعت كلتلي 3 حبات بسكوت دايجستف شبعت شوي ……… أبا تشجيع وتحفيز من الخاطر
بشوف دكتورة تغذية وبمشي ساعة يومياً وبشوف النتايج ان شاءالله خير
يزاج الله خير اختي
انا كنت اسوي عندهم جلساات تكسير دهووون ,,و كله هبل الصرااااااحة يوم اقلهم ماحس بنتايج يقولون فالبداية جي بس بعدين بتحسين ,,,
انا اروح المركز حق المساج او حق ماسك الويه ,, واايد رهيب بس وزن ما وزن ,, وافلام كورية ماعليج منهم نصيحة ,,
اما عن البيزااااااات انا قالوا لي نفس ما قالوا لج ,, عقب طنشت قلت الاهم كم كيلو اللي بخسرهم
غرنووووووووووووووووووقة
اشتررررررركي في ناااااادي انتي واي حد من خواتج او ربيعاااااااااتج وروحوا ويا بعض بس اهم شي اللي بتروحين معهااا تكووووون صارمة ,, يعني لو تموتين – بعيد الشر- ماتسمح لج تغيبين عن النادي ,,
والسمووووووووووووووووووووحة