المدارس النموذجيه بالشارقه

ياليت اللي تعرف عن النموذجيه للبنات بالشارقه تقول لي عن تدريسهم

انا اعرف عن النموذجيه للبنات اللي بدبي سمعت عنها انا ممتازه بس انا انتقلت للشارقه وما اعرف عن المدارس النموذجيه الحكوميه في دبي

ساعدوني جزاكن الله كل خير ان شاءالله

أنا اللي اسمعه انها واااااااايد زينه وإذا عندج اثنين من عيالج بالمرحله الابتدائيه ياخذون عن واحد بس 3000درهم والثاني ابلاش

والسموحه ان شاء الله بنات الشارجه يساعدنج وما يقصرن

اشكرش اختي ويزاش الله خير

رجاءا اللي عندها معلومات لا تبخل علي

عندي ثنتين من اربيعاتي بناتهن هناك ………. يمدحون المدرسة والمديرة .

جزاك الله خيرا على المساعده

بغيت اسأل شو اسم المدرسه اللي بنات ربيعاتش فيهن

انا عن نفسي دخلت ولدي مدرسة الشارقه النموذجيه بنين 2024-2017 …… الصراحه حرام الواحد يدفع نص درهم حق هالمدرسه لان المدرسات مال كشخه وبس كل يوم عبايه شكل ومكياج ملفت ( انا ما اعترض على كشختهم ) بس لو يهتمون في دراسة اليهال كثر ما يهتمون بالكشخه جان اطلعوا الاوائل على الدوله
-مافي متابعه
-الكتب والدفاتر ما تتصلح
-ماعندهم مفكره عشان الياهل يكتب شو عليهم
-اهم شي عندهم النشاطات اللي على مستوى الاماره
والمديره الله يعين ( مره رحت عندها اقول لها ان السنه بدت من شهر وصف ولدي ماعندهم مدرسه للماده الفلانيه وقلت لها صف 2/5 جان تقول لي الله يغربل 2/5 طبعا من الصدمه ماعرفت شو اقول وهي حست انها قالت شي غلط جان ترد انشالله اليوم بتوصل مدرستهم
اما عن مدرسة البنات اخت ريلي دخلت بناتها نفس السنه بس ماعيبها وقالت ان مستواهم نزل والله اعلم