المشي والحركة

السلام عليكم
بنات مثل ماتعرفون انه المشي مفيد للياقة والصحة وتخفيض الوزن
وكل يوم اقول ببدا امشي بس كله احس بكسل وخمول صار لي فترة طويلة ما مشيت وكل يوم اقوم باجر وايي باجر وأقول اللي عقبه شو الحل كله احس انه مالي بارض للمشي او التمارين ساعات اقول يمكن عندي نقص فيتامينات عسب جي كله احس بكسل
ممكن نصائحكم وكيف اتشجعون نفسكم عالمشي وتحمسونها

انا شراتج قبل ، بس بعد مارحت للدكتوره وشيكت وزني ولاول مره بعد سنتين اشوف وزني زاد انصدددددمت ، وانتي بتحسييين بالكسل لين ماتندمين وتشوفين وزنججج ، وحاليا بديت اتمشى لا جم ولا الات ، في حديقه عدال بيتنا البس عباتي وجوتي رياضه واتحجب ، واتمشى مشي سرييييييع ، لمدة ساعه واشم ريحة طبيعه والناس كلها تسوي رياضه ،، وانتي جربي جيه ماله داعي الات وجم ومادري شو ، وكذلك الدكتوره قالتلي قالت الجم والآلات تكسل ، حلاته تتمشين وجمال طبيعه والجو رائع ، بس مب مشي دلع ، مشي سريع

ان شاء الله حد يفيدج حبوبة
للرفع ^__^

بالعزيمه و الاصرار بتوصلين لهدفج
اما الكسل ستصلين لوزن ستندمين بعده على كل يوم مر بدون رياضه

سيري سوي فحص دم يمكن عندج فقر دم أنا مثلج كله أحس بخمول وكسل طلع عندي نقص في الحديدوطبعاالوزن ماشاءالله في ازديادالحين قمت ع الاقل أمشي 4 مرات في الاسبوع

امشي ولو 20 دقيقة بشكل يومي ترا احسن من لا شي والوقت بيمر مابتحسين فيه انا المشي يمللني من جي اتكسل بس الجيم مب ملل لان فيه وايد انشطة واجهزه

بقولج شي فيه

وايد ناس يتمنون انهم يمشون لكن ما يقدرون يا عندهم اعاقه لو مرض او فاقدين لحريتهم

شو رايج

انتي عندج القدره انج تمشين فلا ضيعينها بسبه الكسل