النجدة بنات بوظبي خلاص مليييييت

اشحالكن بنااات

انا بموت من الملل و ابا اعرف شو الشي اللي ممكن الوحده تسويه في بوظبي مع ربيعاتها

مابا مولاااااااااااااااااااات ماحب اسيرهن اذا ما لي حاية

و الجو حاار يعني شو نسوي وين نسير لازم نسير دبي !!!!

يعني معقولة مافي شي في بوظبي الواحد ممكن يتسلى فيه غير السينما و المولات

حسيتي بـ معاناتنا ملييينا من المول والسينما

حتى بحررر ماشي حق لحريييييييييم !!!!

خلال الايام العاديه حاولي تشغلين نفسج او زوري اربيعاتج
او خليهم يزورونج
اما في الويك اند ظهري روحي السينما او سوو باربيكيو برع
او في الحوي اذا كان عندكم
او حجزي في فندق غيري جو مع ريلج او اهلج
وتستمر الحياة وهاي الدنيا

يآدموعه هيه والله حاسه من زمان بس مليت من الخطوط و سيرات دبي

و ابشرج شي بحر حريم في الشليلة بس الله لا يراويج البحر وصخ و المكان مب مسكر عدل يعني اللي يطوفون بسكوتراتهم يشوفونج اذا واقفة او تاخذين شور ههههههههههههههه
و يوم اشتكينا قالت الحرمة شو اسوي مب بيدي

أم حـ م ـد انا مب معرسة و الزيارات مب حلوه كل وقت يعني يالله يالله ارد البيت على 5 و هذا من وقت
و تبين تطلعين تغيرين جو ويا هلج و الباربيكيو مب كل ويكند يعني يوم نسير دبي شي نادي الفتيات نسير نلعب و نستانس و نسير البحر احيانا و نسوي رياضه او نسير كوفي شوب نسوي mugs و نحضر احيانا دورات

المشكله ماشي يناسبنا كموظفات والله ملينا يا ام حمد

سيري المسابح النسائيه ،، مثل مسبح الشريعه
بتقضين احلى الاوقات

سوي لمات مع ربيعاتج كل مره ف اماكن مفتوووحه صح الجور مايساعد بس شو انسب وقت
والله يعينج فديتج

{استغفر الله الذى لااله الا هو الحى القيوم واتوب اليه}