اشحالكم كروشات ؟
بغيت استفسر عن الولاده فمستشفى الوصل بدبي
اذا وحده منكم كانت مربية هناك ومن جريب
ابغي اعرف كيف نظامهم عند الولاده
من اتيها الام الولادة ويرقدوها الين ما تولد
ابغي اعرف كل شي
ويسمحون بان حد يدخل وياها غرفة الولاده ؟
وبالاخير كيف معاملتهم
هل يصبرون عالوحده ولا لا مجرد انهم ملوا بيقولون لازم عمليه شرات بعض المستشفيات
أنا محتارة بين مستشفيين
وهذا واحد من الاثنين
وانا حامل بالبجر
يليتكم تردون علي
ومشكورين
والله يسهل علينا قولوا امين
و هم يصبرون عليج مدام أمورج طبيعية و ممكن تربين طبيعي لكن في حال حدوث اي طارئ مفاجئ مثل نزيف او ضعف نبض الجنين او انفصال المشيمة لا سمح الله على طول بيحولونج عملية بعد توقيع ريلج
هذا اللي اعرفه و هو مستشفى ممتاز و متخصص للولادة عندهم خبرة
و الله يسهل عليج
اتمنى حد ثاني يفيدنا
بغيت اسأل بعد الولاده كل حرمه بروحها بغرفه ولا ،؟
اما عن غرفة الولاده يوم اختي ربت كنت أنا وحرمه اخويه وزوجها فالغرفه
وهم يصبرون على الوحده. بس انتي وحظج امنو اللي بتولدج
أنا عن نفسي بجرب مستشفى مدكير
انا مربيه 2024 عندهم الحين ما اعرف قوانينهم ويقولون البيبي يكون عندج طول الوقت ما يودونه الحضانه حتى فتره الليل…احس هالشي صعب خصوصا اذا كنتي بروحج من غير تعب الخياطه
امنوه تقدر تفيدنا
بس اذا اقل من 5 عادي تطلعين البيت وتردين يوم يزيد العوار
واذا 5 وزياده يدخلونج قسم قبل الولاده >>وعادي كل حد يروم اييج هالقسم
اذا وصلتي 7 سانتي يدخلونج قسم الولاده..وهو المكان اللي بتولدين فيه بس طبعا مب على غرفه الولاده على طول لا
شي حجره مشتركه وفيها 6 سراير تقريبا.. ويخلونج هناك الين ما يفتح عندج 9 >>وهني ممنوع دخول الرياييل بس الحريم عادي
طبعا اذا دخلوج غرفه الولاده خلاص عادي يدخل ريلج واهلج واي حد تبينه
يفضل يكون 3 مب اكثر عسب ما تستوي زحمه
وطبعا يا طويله العمر حزت البوش مايخلون الا شخص واحد وانتي اختاري عاد
انا طبعا اخلي امي ويايه وريلي يطلع في هالوقت بس يكونون حذال الباب ومن اربي وينظفون كل شي يدخلون كلهم عندي
بالنسبه للاهتمام وايد اوكي
ونظيفين يعني ما يخلون ولا شي في غرفه الولاده عقب الولاده بدقايق 
حتى انتي ما تلحقين تشوفين شي ..وهذا اهم شي طبعا
بالنسبه لج بما انج بجر فاللي بتولدج بتكون دكتوره اما اذا الثاني والثالث القابله تولد
ان شاء الله اكون فدتج بشي
والله يسهل عليج يارب
لا تنسيني من دعائج بالولاده السهله الميسره