الي تعرف عن الرحم المقلوب تساعدنا

مرحبا بنات
هذا اول حمل لي يوم سرت عند الدكتوره سوتلي سونار قالتلي عندج الرحم مقلوب تقريبا في نص الشهر الثاني سرت عند دكتوره ثانيه قالتلي نفس الكلام
ابا اعرف شو الفرق وممكن انه ايرد لوضعه الطبيعي في الاشهر اليايه ؟؟ وبتكون الولاده طبيعيه؟؟؟؟

عادي حبيبتي انا ربيعتي عندها الرحم مقلوب والحين عندها ولد ما شاء الله والحين بعد حامل بس كانت الدكتورة تمنعها عن النوم على ظهرها الى نهاية الثالث عشان الرحم عندها مقلوب والجنين مو ثابت الا في الرابع بس عادي اطمني ما في اي ضرر عليج ان شاء الله بس بخصوص انه يرد لوضعه الطبيعي ما اعتقد لانها اول ما تزوجت تاخر عندها الحمل وحاولت تروح عند اكثر من حرمه عشان تمسحها وتعدل الرحم بس ما في فايده لانه يتم مثل ما هو لكن الحمدلله الله قدرها واحملت
وان شاء الله تقومين بالسلامة وتقر عينج بمولودج وتكونين باحسن حال يا رب

اهم شي الراحه التامه ولاتتحركي كثير والله يبسهلها عليك يارب ..وان شاء الله مافيه خوف.

انا اللي اعرف اه الرحم يتحرك
مايتم ثابت

الغاليه لاتحاتين يرد لوضعه بعد مايكبر الياهل ، لأن أنا نفس الشي قالتلي الدكتوره ، وماشاءالله ربيت طبيعي مرتين

هيه اختي في احتمال يرد لوضعه الطبيعي في ناس اصلن كان طبيعي بس مع الولاده انقلب اومع الحمل ثم رجع طبيعي لان الرحم عموما مب ثابت ابد ومعنى انه انقلب يعني رجع لورا شوي ماظل في الامام ومافي اي اشكال لافي الحمل ولافي الولاده

مشكورين حبايبي والله طمنتوني والله كنت خايفه اسير عند الدكتوره
يزاكم الله خير