اختي قبل فترة اشترت اليو اس بي مودم مال الانترنت من اتصالات و قبل كم يوم ضاعت عنها الحديدة اللي تحط فيها البطاقة (sim card). اتصلنا 101 و خبرناهم القصة و قالولنا بعده في فترة الضمان سيروا اتصالات و خل يبدلونه. يوم سرنا قالولنا ان هالشي ما يشمل الضمان و يعني الجهاز راااااااااح عالفاضي (والله اني مقهورة كل واحد يقول شي)…المهم بغيتكم تساعدوني اذا تعرفون وين ممكن اشتري هالحديدة لأن الجهاز ما كمل عندها شهر و هم قالولنا حاولوا تشترونها من برع
ويا ترى كم الرسوم ؟؟
المشاركة الأصلية كتبت بواسطة يتيمة 555 
مشكورة الغالية و ان شاء الله نحصل
المشاركة الأصلية كتبت بواسطة بنت الطموح ويا ترى كم الرسوم ؟؟
الغالية هالمودم يفيدج ان النت يشتغل في اي مكان,, بس اتوقع ان ما يوصل النت اذا كنت في مكان مافي ارسال لأن فكرة تعتمد على شبكة الموبايل (يعني مثلا فوق اليبل (: ولا في الطيارة ما يكون شي ارسال, و ساعات في المستشفيات)…
رسوم الجهاز تشترينه ب 500 (نازل واحد يديد ب 600, ماعرف شو الفرق و حتى موضفين المبيعات في اتصالات ما يعرفون شو الفرق يوم سألتهم)…من غير في رسوم الاشتراك في الخدمة شهريا حسب الباكج, اختي اشتركت في باكج 5جيجا ب 295 تقريبا شهريا, في ناس يشتركون في باكج 10 جيجا ب 400 و شي..طبعا انت لازم تعرفين اي باكج تختارين على حسب استخدامج. اذا كنت تشوفين فيديو وايد على النت و تحملين ملفات و العاب بتحتاجين باكج اكبر, اما لو كنت بس تتصفحين مواقع و مدونة صفحاتها بس فيها كلام و صور فبتكفيج بكج صغيرة
اتمنى اكون فدتج